La bufanda

La bufanda
Datos

La bufanda ye una novela de David Artime Coto cola que'l periodista y escritor inaugura la so trayeutoria como novelista. La obra ganó la edición del 2009 del Premiu de Narraciones Trabe con una historia que, con humor, ironía, dramatismu y crítica, adiéntrase nun tema virxe dafechu na lliteratura en llingua asturiana y, pal casu, tamién nel restu de llingües del Estáu: el de los ultras de los equipos de fútbol.

Argumentu

La bufanda cuenta les complicaes situaciones nes que se ve involucráu, bien por voluntá propia, bien por aición de les circunstancies, un ultra del Real Sporting de Xixón, mentes l'últimu tramu d'una lliga na que’l club llucha por evitar el descensu. Con un llinguaxe modernu y frescu, lliterariu y cuidáu, l'autor va filando una mecigaya de sentimientos enfrentaos, dende los más nobles y altos valores hasta los instintos más baxos, que conviven na mente de los auténticos hinches.

La socesión d'episodios dirá complicando cada vez más la vida del protagonista hasta obligalu a reflexonar sobre la realidá del mundu nel que ta metíu y el papel que nél xueguen la violencia, la política, la valentía, el compañerismu, la hipocresía social y los intereses económicos y mediáticos d'un deporte vueltu descomanáu negociu capitalista, nel que los ultras son cuando la so cara más digna cuando la más escura.

Receición

La novela convirtióse bien ceo nun de los éxitos de la lliteratura moderna en llingua asturiana, al ser ún de los llibros más vendíos nes feries de llibros que s'entamen per Asturies. La novela publicóse en castellanu nel 2012 pola editorial madrilana Corner. La edición española tuvo prologada por Manolo Preciado, les llinies quedaron como les últimes pallabres escritor del fallecíu ex-entrenador del Spoting.

Enllaces esternos

• Wikimedia Commons tien conteníu multimedia tocante a La bufanda.

• Datos: Q13147419