La Sidra

De Wikipedia
La Sidra
Datos
Tipu revista
Fundación 2003
Estáu  Principáu d'Asturies
Cambiar los datos en Wikidata

La Sidra ye una revista mensual qu'edita l'Asociación Cultural Ensame Sidreru dende 2003 col Depósitu Llegal AS-03324-2003. El primer númberu asoleyóse en setiembre de 2003 convirtíéndose na primer revista temática sobre la sidra n'Asturies. La Sidra ye una publicación con conteníos n'asturianu y castellán y recueye noticies de l'actualidá del mundu la sidra, información d'echadores de sidra y concursos, sobre la sidra n'otres partes del planeta, entrevistes a chigreros y llagareros, artículos d'opinión, d'investigación, d'etnoloxía y de divulgación, recetes... en definitiva de tolo que se mueve nel mundu sidreru. La revista pasa les 140 páxines a tou color y tien una tirada de 3.000 a 5.000 exemplares[necesita referencies], poro, la mayor espublización de cualesquier tipu sobre cultura sidrera tanto en tirada como en númberu de páxines[necesita referencies].

Anguaño ye la mayor revista de temática sidrera del mundu, el cualesquier llingua y la so páxina web ye la más visitada del sector[necesita referencies], convirtiéndose na referencia tanto n'Asturies como n'otros países que tienen cultura sidrera. La páxina ufierta conteníos n'asturianu, castellán y n'inglés, lo que fai entá mas grande la so presencia a nivel internacional[necesita referencies].

Esta revista apaez en versión escrita n'alta calidá y tamién en formatu pdf afayable na so páxina web.

Otres revistes sidreres[editar | editar la fonte]

Tres l'apaición de La Sidra en 2003 y el so afitamientu, vendríen otros proyeutos como la revista bimensual Sicera asoleyada pola Asociación de Llagareros d'Asturies dende finales de 2005 y que sería la segunda publicación sobre la bebida asturiana por escelencia enantes d'abandonase'l proyeutu y esapaecer. Más tarde en xunu de 2006 aparecería la revista Vivir la Sidra qu'edita Editora del Norte y por últimu'l proyeutu empresarial Sabor de Sidra (finales de 2006) periódicu mensual de baldre que tamién fora abandonáu al pocu tiempu d'editase.

Referencies[editar | editar la fonte]

Enllaces esternos[editar | editar la fonte]