L'astronauta cayíu
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
L'astronauta cayíu (n'inglés: Fallen Astronaut) ye una escultura d'aluminiu de 8,5 cm d'altu d'un astronauta con traxe espacial. Ye obra del artista belga Paul Van Hoeydonck. Trátase de la única obra d'arte realizada col propósitu de permanecer na Lluna. Podría argumentase qu'hai otros oxetos que se quedaron ellí, como les banderes d'Estaos Xuníos y Xunión Soviética, o les plaques llunares de los Apollo, pero nun yera'l so principal cometíu.
En 1971, L'astronauta cayíu foi asitiáu na lluna pola tripulación del Apollo 15 xunto con una placa qu'amuesa los nomes ordenaos alfabéticamente d'ocho astronautes y seis cosmonautes que finaron en misiones o mientres entrenamientos.
- Theodore Freeman (31 d'ochobre de 1964, accidente aereu)
- Charles Bassett (28 de febreru de 1966, accidente aereu)
- Elliott See (28 de febreru de 1966, accidente aereu)
- Gus Grissom (27 de xineru de 1967, quema del Apollo 1)
- Roger Chaffee (27 de xineru de 1967, quema del Apollo 1)
- Edward White (27 de xineru de 1967, quema del Apollo 1)
- Vladímir Komarov (24 d'abril de 1967, fallu del paracaíes na reentrada)
- Edward Givens (6 de xunu de 1967 accidente automovilísticu)
- Clifton Williams (5 d'ochobre de 1967, accidente aereu)
- Yuri Gagarin (27 de marzu de 1968, accidente aereu)
- Pavel Belyayev (10 de xineru de 1970, enfermedá)
- Gueorgui Dobrovolski (30 de xunu de 1971, fallu de presurización na reentrada)
- Viktor Patsayev (30 de xunu de 1971, fallu de presurización na reentrada)
- Vladislav Vólkov (30 de xunu de 1971, fallu de presurización na reentrada)
Ver tamién[editar | editar la fonte]
Referencies[editar | editar la fonte]
Enllaces esternos[editar | editar la fonte]
Wikimedia Commons acueye conteníu multimedia sobre L'astronauta cayíu.- Fotografía orixinal na web de la NASA
