L'Alto Aboño

Amestar enllaces
De Wikipedia
L'Alto Aboño
Alministración
País España
Autonomía Principáu d'Asturies
Provincia provincia d'Asturies
Conceyu Carreño
Parroquia Carrió
Cambiar los datos en Wikidata

L'Alto Aboño ye un entidá de población de la parroquia de Carrió, en Carreño.

L'INE establez que L'Alto Aboño ye una casería de 3 habitantes (2 homes y 1 muyeres). El so códigu de referencia ye 33 014 040200. [1]

Alcuéntrase a una distancia de Candás, capital del conceyu, de 6,10 km. Tien una altitú máxima de 60 m sobre'l nivel del mar. Pal añu 2001 contaba con 5 viviendes, 3 principales y 2 non principales. [2]

Toponimia[editar | editar la fonte]

Xosé Lluis García Arias nun fala direutamente del términu, pero desplica en dos estayes direferentes los sos componentes.

Por un llau, desplica l'orixe y l'usu d'"Alto"[3]:

"La nuestra pallabra altu deriva de la latina ALTUS, A, UM ‘alto’.[...] puede aparecer como primer elemento nominal de un compuesto, L’Alto la Ilesia (Cñ)[...]"

Por otru, l'orixen del topónimu Aboño alcuéntrase ente aquellos xeneraos polos correspondientes masculinos surdío dende un antropónimu cenciellu (nome de persona) o dende ún axetiváu y en concordancia cola cosa poseyída (FUNDUS...):

"Aboño: APONIUS / ABONIUS."[4]

El desmonte[editar | editar la fonte]

Nel 2007, modifícase'l "Plan de Utilización de Espacios Portarios (PUESP) d'El Musel", pol que se permite'l desmonte de 32 hectáries costeres, con una cota de 70 metros sobre'l nivel del mar, pa usar nes obres d'ampliación del puertu como rellenu. Terrenos de la parroquia de Carrió y ubicaos nesti llugar, anque'l desmonte tamién afectare seriamente a la llindante urbanización de Xibares, perteneciente a la parroquia d'Albandi. Les xeres escomiencen darréu y lleven por delantre llavaderos, estatues y parques (como'l del Monumentu a "La Chata"[5], la Infanta Isabel Francisca de Borbón y Borbón, de 1915) y dellos edificios qu'hubieron ser espropiaos.

Dende'l primer momentu, l'Asociación de Vecinos de Xivares "El Tranqueru" protestó y el Defensor del Pueblu emitió un dictamen a favor de los vecinos que provocó la intervención del Ayuntamientu de Carreño mediante un recursu a l'Audiencia Nacional, que falló definitivamente'l 9 de febreru de 2011 paralizando'l desmonte.[6]

Referencies[editar | editar la fonte]

  1. ↑ Nomenclátor del INE, 2011[1]
  2. ↑ Nomenclator de la SADEI [2]
  3. ↑ Xose Lluis García Arias, "Toponimia Asturiana"[3]
  4. ↑ Xose Lluis García Arias, "Toponimia Asturiana"[4]
  5. ↑ Páxina l'Ayuntamientu de Carreño[5]
  6. ↑ "La Nueva España": La Audiencia paraliza el desmonte del Alto Aboño[6]

Enllaces esternos[editar | editar la fonte]

Sacáu de «https://ast.wikipedia.org/w/index.php?title=L%27Alto_Aboño&oldid=4166948»