Juan José Nieto

De Wikipedia
Saltar a navegación Saltar a la gueta
Juan José NietoPicto infobox character.png
Juan Jose Nieto Gil.jpg
Presidential Seal of Colombia.svg
presidente de Colombia Traducir

25 xineru 1861 - 18 xunetu 1861
Mariano Ospina Rodríguez - Bartolomé Calvo
Vida
Nacimientu Baranoa24  de xunu de 1805
Nacionalidá Bandera de Colombia Colombia
Fallecimientu Cartagena de Indias16 de xunetu de 1866 (61 años)
Oficiu
Oficiu Militar, políticu, estadista, escritor
Graduación xeneral
Creencies
Partíu políticu Partido Liberal Colombiano Traducir
Cambiar los datos en Wikidata

Juan José Nieto Gil (Sibarco, provincia de Cartagena, Virreinatu de la Nueva Granada, 24 de xunu de 1805 - Cartagena de Indias, Estaos Xuníos de Colombia 16 de xunetu de 1866) foi un políticu, escritor, militar y estadista colombianu, que sirvió como presidente de la Confederación Granadina en 1861. Foi'l primer presidente afrodescendiente de Colombia.[1]

Nieto desempeñó diversos cargos públicos. Foi escoyíu representante a la cámara pal periodu 1850-1852, se posesionó na gobernación el 22 de xunetu de 1851, decretando en 1852 la espulsión del obispu Pedro Antonio Torre. Foi gobernador per eleición popular en 1854 y primer presidente constitucional del Estáu Soberanu de Bolívar ente 1860 y 1865. foi reelexíu gobernador acordies con la nueva constitución del 1853. Morrió'l 16 de xunetu de 1866.

Biografía[editar | editar la fonte]

Nació en Sibarco (correximientu de Baranoa), entós parte del virreinatu de Nueva Granada. Fíu de Tomás Nieto y Benicia Gil, xente dedicada a la fabricación de meches d'algodón pa les veles. Pasó los sos primeros años de formación en Baranoa, pero tres la independencia de Cartagena de Indias en 1811 la so familia decidió treslladase permanentemente a la ciudá.

Empecipióse profesionalmente trabayando como escribiente nel almacén del comerciante canariu José Palaciu y Ponce de Lleón quién, impresionáu pol intelectu del entós ventiañeru, facilitó-y l'accesu a llibros que contribuyeron a la formación autodidacta del nuevu y eventualmente aportó a da-y la mano de la so fía María Margarita en matrimoniu. Siendo Juan José un mulatu, la boda cola fía d'un comerciante español supunxo un impulsu escontra riba na escala social de la dómina. Antes de llegar a los trenta años l'home yá s'atopaba sirviendo en cargos públicos de relativa importancia.

En 1851 consiguió la gobernación de Cartagena, espulsando al obispu Pedro Antonio Torres. El 17 d'abril de 1854 sofitó'l golpe d'estáu lleváu a cabu pol lideralgu del xeneral José María Melo. Como gobernador sancionó la segunda constitución política del estáu de Bolívar.

Foi bien amigu del xeneral Francisco de Paula Santander ya intercambió con él una nutrida correspondencia. En delles de les sos cartes puede rastrexase la so adhesión firme al modelu federalista. Participó na revolución de los Supremos en 1840 al llau del xeneral Carmona. En Tescua foi prindáu por Mosquera.

El 3 de xunetu de 1860, declaró la separación d'estáu del Bolívar de la Confederación Granadina centralista de Mariano Ospina Rodríguez, n'alianza col xeneral Tomás Cipriano de Mosquera. Dempués d'adoptar la presidencia mientres el xeneral Mosquera atopábase ausente, asumió la gobernación de Bolívar por dellos periodos hasta que foi obligáu a arrenunciar, poles tropes insurrectes encabezaes por Antonio González Carazo.

Carrera lliteraria[editar | editar la fonte]

La primera de les sos obres de la que se tien constancia ye'l folletu Derechos y deberes del home en sociedá, publicáu en 1834, un documentu en llinia cola política del xeneral Francisco de Paula Santander ya influyíu pol enciclopedismu francés y les idees del barón de Montesquieu. Años más tarde, en 1839 escribió Xeografía histórica, estadística y llocal de la provincia de Cartagena.

La so primer novela, Ingermina o la fía de Calamar foi escrita mientres el so esiliu en Xamaica y foi publicada nuna imprenta del mesmu país nel añu 1844. La obra atópase dedicada a la so esposa Teresa Cavero a quién l'autor atribúi les virtúes de la protagonista. La novela tien un invaluable valor históricu, pos se trata de la primer novela colombiana de la que se tenga rexistru.

La so segunda obra sería escrita igualmente mientres el so esiliu ya impresa en 1845; esta ye Los Moriscos, basada na espulsión de los árabes d'España. Poco tiempu dempués concedióse-y una amnistía cola cual pudo tornar a Cartagena. De regresu nel país fundó'l selmanariu La Democracia, onde en forma de folletín sería publicada la so tercera y última novela Rosina o la prisión de Changres inspirada nel so tiempu en Panamá.[2]

Obres[editar | editar la fonte]

Enllaces esternos[editar | editar la fonte]

Referencies[editar | editar la fonte]

  1. Colombia tuvo un presidente negru
  2. Espinosa, Germán. Ingermina: Avanzada en Hispanoamérica. Medellín: EAFIT, 2001.



Juan José Nieto