José Manuel Ruiz Reyes

De Wikipedia
Saltar a navegación Saltar a la gueta
José Manuel Ruiz ReyesTable tennis pictogram.svg
RUIZ REYES Jose Manuel (ESP).jpg
Vida
Nacimientu

Granada16  de xunetu de 1978

(42 años)
Nacionalidá Flag of Spain.svg España
Estudios
Llingües falaes castellanu
Oficiu
Oficiu tenista de mesa
Trayeutoria
Cambiar los datos en Wikidata

José Manuel Ruiz Reyes (16  de xunetu de 1978Granada) ye un xugador de tenis de mesa de clase 10.[1] Atropa alredor de 30 condecoraciones en campeonatos europeos ya internacionales, ente les que cunta con 4 medayes paralímpiques.[2] Ye xugador de la Real Federación Española de Tenis de Mesa y participó nos Xuegos Paralímpicos d'Atlanta 1996, Sydney 2000, Atenes 2004, Beixín 2008 y Londres 2012; amás, foi convocáu pa los Rio de Janeiro 2016.

Trayeutoria[editar | editar la fonte]

Campeonatu d'Europa[editar | editar la fonte]

La so primer medaya foi nel Campeonatu d'Europa de 1995 en Hillerod (Dinamarca), onde llogró la medaya de bronce na prueba d'equipos. Participó n'ediciones posteriores, ente les que destaquen la de 2001 en Frankfurt (Alemaña), onde llogró la medaya d'oru na prueba individual, y 2007 en Kranjska Gora (Eslovenia), onde llogró l'oru tanto na prueba open como nel dobles.

Xuegos Olímpicos[editar | editar la fonte]

Participó en cinco ediciones de los xuegos paralímpicos ―Atlanta 1996, Sydney 2000, Atenes 2004, Beixín 2008 y Londres 2012―, amás de ser convocáu pa Rio de Janeiro 2016 y escoyíu abanderáu del equipu español, compuestu por 114 deportistes y 68 miembros del equipu téunicu.[2]

Llogró dos medayes de bronce, nes pruebes d'equipos de Sydney 2000 contra Francia y Londres 2012 contra Ucrania, y dos de plata, na prueba individual de Sydney contra la República Checa y na prueba d'equipos de Beixín contra China.

Condecoraciones[editar | editar la fonte]

En 2013 foi condecoráu cola medaya de bronce de la Real Orde al Méritu Deportivu al pie de otros deportistes que llograren la medaya de bronce nos Xuegos Paralímpicos de Londres 2012 ―los ciclistes Miguel Ángel Clemente, Diego Javier Muñoz y Maurice Eckhard, los nadadores José Antonio Marí y Deborah Font, la yudoca Mónica Merenciano, y el tamién tenista de mesa, Jorge Cardona―.[3]

Referencies[editar | editar la fonte]

  1. Comité Paralímpicu Español. «Datos biografía». Consultáu'l 09-08-2016.
  2. 2,0 2,1 «José Manuel Ruiz será el abanderado español en los Juegos Paralímpicos de Río» (19-07-2016). Consultáu'l 9-08-2016.
  3. «El paralímpicu extremeño Enrique Floriano recibe la Medaya de la Real Orden al Mérito Deportivo» (es). Región Digital (29 d'ochobre del 2013). Consultáu'l 30 d'agostu del 2016.

Enllaces esternos[editar | editar la fonte]