José Luis Tinturé Miranda

De Wikipedia
Saltar a navegación Saltar a la gueta
José Luis Tinturé MirandaPicto infobox character.png
Vida
Nacimientu 1915
Nacionalidá Española
Fallecimientu 1 de marzu de 1984
Estudios
Estudios Universidá de Valladolid
Oficiu
Oficiu médicu
Cambiar los datos en Wikidata

José Luis Tinturé Miranda (Xixón, 1915 - 1984) foi un médicu español especializáu en ciruxía y traumatoloxía.

Biografía[editar | editar la fonte]

Fíu de Tomás Tinturé Matamoros y María Luisa Miranda de Grau y Pérez-Herce, nació en Xixón el 15 d'abril de 1915. Estudió'l bachilleratu nel Instituto Xovellanos de Xixón y llicencióse en Medicina y Ciruxía na Universidá de Valladolid en 1941. Más tarde realizó los estudios de Doctoráu en Madrid collaborando na Clínica Médica del Dr. Agustín Cañizu y col Dr. José Estella nel Hospital Clínicu de San Carlos.

En 1945 tornó a Xixón inscribiéndose nel Colexu Oficial de Médicos d'Asturies col númberu 603. En 1947 contrai matrimoniu con Erundina Eguren Rubio con quien tuvo siete fíos: José Luis, Tomás, Ana María, Juan Carlos, Enrique, Alejandro y María del Mar. Finó en Xixón el 1 de marzu de 1984.

Oficiu[editar | editar la fonte]

Una vegada terminaos los sos estudios de doctoráu en Madrid y los de posgráu col ciruxanu Rafael Vara López, empecipia la so carrera profesional en Xixón tantu na medicina pública como na privada. Na medicina pública foi ciruxanu del Seguru Obligatoriu d'Enfermedá (SOE) y traumatólogu de la Obra 18 de Julio y de la Caxa Nacional d'Accidentes de Trabayu. En payares de 1968 foi nomáu Xefe del Serviciu de Ciruxía Xeneral na Residencia Sanitaria "José Gómez Sabugo" de Xixón (Hospital de Cabueñes), cargu que compatibilizó cola so actividá na medicina privada que desenvolvía nel Sanatoriu Cuadonga y nel Hospital de Begoña.

Magar la so intensa actividá profesional nunca abandonó la so formación calteniendo contactos con instituciones españoles (como l'Institutu Policlínico de Barcelona y l'Hospital de la Princesa de Madrid) y estranxeres. Igualmente foi miembru de delles sociedá médiques: Asociación Española de Ciruxanos, Societé Internationale de Chirugie, Sociedá española de Ciruxía Ortopédica y Traumatoloxía y Sociedá Española de Patoloxía Dixestiva, ente otres.

Bibliografía[editar | editar la fonte]

  • Cabal González, Melquiades (1988). 100 médicos asturianos. 2ª serie. Uviéu: IDEA: Conseyería d'Educación, Cultura y Deportes. pp. 464-471
  • Fernández García, Joaquín; Fernández Alonso, Rodrigo (2007-2011). Memoria histórica de la medicina asturiana: (apuntes biográficos). Uviéu: Colexu Oficial de Médicos d'Asturies. Tomu I, pp. 405-409

Enllaces esternos[editar | editar la fonte]



José Luis Tinturé Miranda