Islla Wilczek
| Islla Wilczek | |
|---|---|
 | |
| Situación | |
 | |
| País |  Rusia |
| Óblasts | Óblast d'Arcánxel |
| Tipu | islla |
| Parte de | Tierra de Franciscu Xosé |
| Asitiáu en | Océanu Glacial Árticu |
| Coordenaes | 79°56′19″N 58°42′25″E / 79.9386°N 58.7069°E |
  Islla Wilczek Islla Wilczek (Rusia) | |
| Datos | |
| Altitú media | 187 m |
| Superficie | 50 km² |
| Población | 0 |
| Fusu horariu | UTC+04:00 |
| Llonxitú | 10 km |
 | |
La islla de Wilczek (rusu: Остров Вильчека, Ostrov Vil'cheka) ta asitiada nel estremu sureste de la Tierra de Franciscu Xosé, óblast d'Arcánxel, Rusia.
Historia[editar | editar la fonte]
La islla Wilczek foi la primer islla del archipiélagu de la Tierra de Franciscu Xosé, na que la espedición austrohúngara del Polu Norte entamó'l 1 de payares de 1873. Una tumba foi cavada en tierra pa Otto Krisch, un miembru fináu de la espedición y alzaron un moyón con un mensaxe nun contenedor selláu informando del nuevu descubrimientu.
El 5 d'agostu de 1991, el barcu alemán Dagmar Aaen cola espedición Arved Fuchs llegó a la islla Wilczek. Fuchs desenterró la botella de la espedición austrohúngara d'ente les piedres del túmulu , pero non pudo lleese lo escrito nel interior, asina el documentu foi lleváu a la oficina de la Oficina Federal de Policía Criminal en Wiesbaden. Allí la escritura foi descifrada y confirmóse que era una nota de los esploradores polares Julius Payer y Karl Weyprecht. El documentu ta agora nel Muséu Naval Alemán en Bremerhaven.
Geografía[editar | editar la fonte]
La islla Wilczek tien unos diez km de llargor al suroeste de la islla de Salm, dixebrada d'esta postrera por un estrechu de 3 km d'anchu. La islla non tien munchos glaciares, sacante por una pequeña tapa de xelu nel norte y una más pequeña nel sur.[1]
"Islla Wilczek" nun tien de confundise con Tierra de Wilczek[2] muncho más grande y allugada nel mesmu archipiélagu, pero dambos reciben el nome del conde austrohúngaru Johann Nepomuk Wilczek. El conde Hans Wilczek foi'l patrocinador más importante de la espedición austrohúngara al Polu Norte a la Tierra de Franciscu Xosé.
Islles axacentes[editar | editar la fonte]
Islla Lamont
12 km al sur de la islla Wilczek alcuéntrase la islla Lamont (islla Laмон) 79° 48' N; 58° 40' E. Ye una pequeña islla doble, de namái 1,3 km de llargor. La islla Lamont ye la islla más meridional del archipiélagu de la Tierra de Franciscu Xosé. En dellos mapes apaez como "Lamon Island".
Referencies[editar | editar la fonte]
- ↑ «Ostrov Vil’cheka». Mapcarta. Consultáu'l 8 ochobre 2016.
- ↑ Mapcarta Wilzeck land
Enllaces esternos[editar | editar la fonte]
- [1] Wilczek Island, Nuclear Ninety North, Eclipse of the Midnight Sun August 1st, 2008 (n'inglés).
| Control d'autoridaes |
|
|---|
Datos: Q1973587