Islla Robben

De Wikipedia
Saltar a navegación Saltar a la gueta
SafrikaIMG 8414.JPG
Robben Island al centru, vista dende la mariña.

La islla Robben (n'inglés: Robben Island, en afrikáans: Robbeneiland) ye una islla en Table Bay, a 12 km de la mariña de Ciudá del Cabu, la provincia Occidental del Cabu, Sudáfrica. El nome n'holandés significa ‘islla de les foques’. La islla ye prácticamente redonda con un diámetru d'aprosimao 1 km; ye plana y álzase unos pocos metros sobre'l nivel del mar, tien una superficie de 5,07 km² (507 hectárees).

Dende finales del sieglu XVII, la islla Robben foi utilizada p'aisllar a ciertos grupos de persones, na mayoría de los casos prisioneros; nun principiu losl so primeres habitantes de forma permanente fueron líderes nativos de les colonies holandeses; sobremanera d'Indonesia. Tres una fallida rebelión de Grahamstown en 1819, mientres la quinta Guerra Xhosa, el gobiernu colonial británicu sentenció al líder africanu Makanda Nxele a cumplir cadena perpetua nesta islla, morriendo nes veres de Table Bay al intentar escapar.

La islla foi utilizada como colonia de malatos ente 1836 y 1931. Sicasí, la so fama recién vien-y por ser mientres parte sieglu del XX una prisión onde tuvieron deteníos prisioneros políticos del réxime del apartheid. Ente esos prisioneros destáquense Nelson Mandela, Walter Sisulu, Govan Mbeki, Robert Sobukwe y Kgalema Motlanthe.

Celdes de la prisión.

La islla nun tien recursos propios d'agua; por esti motivu en 1965 instalóse sobre'l llechu marín una tubería que la conectó al sistema d'agües blanques de Ciudá del Cabu.

Na actualidá, cola prisión clausurada, y siendo declarada Patrimoniu de la Humanidá pola Unesco, la islla convirtióse nun popular destín turísticu al cual llégase por ferry dende Ciudá del Cabu.

Un fechu interesáu rellacionáu cola islla ye que n'ocasiones s'atoparon a lo llargo de los sieglos monedes d'oru nes sos mariñes. Esto debe a qu'a finales del sieglu XVII un barcu cargáu de monedes d'oru destináu al pagu de salarios en Batavia (Yakarta) naufragó nes mariñes de Robben Island, perdiéndose tola so carga. Esta ayalga, que tendría un bien altu valor anguaño, inda permanez nes agües alredor de la islla.

El Moturu Kramat, llugar sagráu pa los pelegrinos musulmanes de Robben Island, foi construyíu en 1969 pa conmemorar al Príncipe de Madura Sayed Abdurahman Moturu, unu de los primeros imanes de Ciudá del Cabu, exiliado na islla a mediaos de 1740.