Islla Northbrook

Islla Northbrook
Situación
País	Rusia
Óblasts	Óblast d'Arkhánguelsk
Tipu	islla
Parte de	Tierra de Franciscu Xosé
Asitiáu en	Océanu Glacial Árticu
Coordenaes	79°59′15″N 50°58′04″E / 79.9875°N 50.9678°E
	Islla Northbrook Islla Northbrook (Rusia)
Datos
Altitú media	344 m
Superficie	288,6 km²
Llonxitú	22,4 km

Alcuentru casual ente Fridtjof Nansen y Frederick Jackson en 1896.

La Islla Northbrook (rusu: остров Нортбрук) ye una islla asitiada nel estremu sur del archipiélagu de Franciscu Xosé, Rusia. El so puntu más altu algama los 344 m sobre'l nivel del mar.

La islla Northbrook ye unu de los llugares más accesibles del grupu d'islles. Por ello sirvió davezu como base pa espediciones polares a finales del sieglu XIX y principios del XX.

Historia

La islla foi afayada en 1880 pol esplorador árticu inglés Benjamin Leigh Smith. Recibió'l nome del Conde de Northbrook, quien foi presidente de la Royal Geographical Society ente 1879 y 1880.^[1] El nome de la islla foi en parte por insistencia de Nikolai Góring, que formaba parte del compañía del conde mientres el so mandatu presidencial.

El Cabu Flora, asitiáu nuna zona ensin glaciares al suroeste de la Islla Northbrook (79°57′N 50°05′E / 79.950°N 50.083°E / 79.950; 50.083), tien gran significáu históricu. Benjamin Leigh Smith naufragó nel Cabu Flora en 1881. Un alcuentru casual ente los esploradores Fridtjof Nansen y Frederick George Jackson tuvo llugar equí en 1896. Jackson lideraba la Espedición Jackson–Harmsworth, con base nel Cabu Flora, cuando se produció esti alcuentru, el 17 de xunu de 1896.^[2]

Un cabu al norte de la islla, a 80°55'N, recibió'l nome de Cabu Bruce, n'honor al zoólogu y oceanógrafu británicu William Speirs Bruce, miembru de la espedición Jackson–Harmsworth.^[3] En 1904, esploradores de la espedición polar americana Espedición Polar Ziegler estraxeron carbón a unos 150 m de les lladeres mientres ivernaben dempués de que'l so barcu naufragara na Islla Rudolf.

Tres una dura prueba, el navegante Valerian Albanov y el marineru Alexander Konrad, los únicos sobrevivientes de la espedición desafortunada del Svyataya Anna, acabaron nel Cabu Flora en 1914. Albanov y Konrad fueron finalmente rescataos pol Svyatoy Foka cuando se preparaben pa pasar l'iviernu.^[4]

Durante muncho tiempu pensóse que la Islla Northbrook yera una sola entidá. Sicasí, durante una espedición arqueolóxica col rompexelos Kapitan Dranitsyn en 1985, Ratislav Gaidovskiy descubrió qu'había un estrechu que la dixebraba nuna parte oriental grande y una islla más pequeña, que contenía'l Cabu Flora, al oeste. La esistencia d'esti estrechu confirmóse en 2006 por Stanislav Rumyantsev col rompexelos Yamal, en 2007 por Børge Ousland y Thomas Ulrich, y en 2012 pola tripulación del Professor Molchanov y del Rossiya. Supónse que les islles taben hasta va poco conectaes por un tómbolu que dende entós foi arrastráu pola mar.^[5]

Magar que se suxirieron diversos nomes, la tierra al oeste del estrechu descubiertu llámase oficialmente Islla Northbrook Occidental (остров Западный Нортбрук), y la entidá mayor al este ye la Islla Northbrook Oriental (остров Восточный Нортбрук).^[6]

Islles cercanes

Ostrov Robertsona (Остров Робертсона), Islla Robertson ye una pequeña islla asitiada xusto frente a la costa oriental de la Islla Northbrook, cerca del so puntu más oriental. Esta islla recibió'l nome del esplorador antárticu escocés Thomas Robertson, de la Espedición Nacional Antártica Escocesa de 1904 a les Islles Orkney del Sur col barcu Scotia.
Ostrov Novyy ta a menos de 2 km al SSO de Robertson, más cerca de la costa. Les dos islles tienen menos de 1 km de llargor.

Bibliografía

Speak, Peter: William Speirs Bruce NMS Publishing, Edinburgh 2003.
Alʹbanov, Valerian Ivanovich.. In the land of white death : an epic story of survival in the Siberian Arctic. ISBN 0-679-64100-9.

Referencies

↑ Capelotti, Peter Joseph; Forsberg, Magnus (2015). «The place names of Zemlya Frantsa-Iosifa: Leigh Smith's Eira expeditions, 1880 and 1881–1882». Polar Record 51 (256): páxs. 16–23. doi:10.1017/S0032247413000429. p. 19.
↑ Speak, p. 48
↑ Speak, p. 51
↑ Alʹbanov, Valerian Ivanovich. (2000). In the land of white death : an epic story of survival in the Siberian Arctic. ISBN 0-679-64100-9.
↑ Barr, William (2016). «A new island in Zemlya Frantsa-Iosifa [Franz Josef Land]». Polar Record 52 (264): páxs. 372–373. doi:10.1017/S0032247415000807.
↑ Plantía:Cite executive order

Enllaces esternos

Mapa.
worldmaps Rusia Archiváu 2008-01-09 en Wayback Machine

[1] Capelotti, Peter Joseph; Forsberg, Magnus (2015). «The place names of Zemlya Frantsa-Iosifa: Leigh Smith's Eira expeditions, 1880 and 1881–1882». Polar Record 51 (256): páxs. 16–23. doi:10.1017/S0032247413000429. p. 19.

[2] Speak, p. 48

[3] Speak, p. 51

[4] Alʹbanov, Valerian Ivanovich. (2000). In the land of white death : an epic story of survival in the Siberian Arctic. ISBN 0-679-64100-9.

[5] Barr, William (2016). «A new island in Zemlya Frantsa-Iosifa [Franz Josef Land]». Polar Record 52 (264): páxs. 372–373. doi:10.1017/S0032247415000807.

[6] Plantía:Cite executive order

[1]

[2]

[3]

[4]

[5]

[6]