Islla Juan de Nova

De Wikipedia
Saltar a: navegación, buscar
Islla de Juan de Nova, ASA, Fotografía dende la Estación Espacial Internacional

La Islla Juan de Nova (en francés île Juan de Nova o, tamién, île Saint-Christophe) ye un pequenu castru tropical, llanu y baxu, de 4,4 km² allugáu na parte más estrecha de la canal de Mozambique, ente Madagascar y la mariña continental africana. El desembarco y fondio son posibles na mariña nordés de la isla, que tamién tien una pista d'aterrizaxe de 1.300 metros.

Administrativamente, la isla ye una posesión de Francia que forma parte del distritu de les Islles Esvalixaes del Océanu Índicu, unu de los cinco distritos del territoriu de ultramar de les Tierres  Australes y Antártiques Franceses.

Juan de Nova, con una Zona Económica Esclusiva (ZEE) de 61.050 km², ye reclamada per Madagascar. La isla ta guarnida poles tropes franceses de la Reunión y tien una estación meteorolóxica (Saint-Christophe[1]).

Xeografía[editar | editar la fonte]

Juan de Nova tien unos seis kilómetros de llargu y 1,6 km d'anchor na so parte más ancha. Ye una reserva natural arrodiada de petones que zarren una área (nun ye una verdadera llaguna, como nun atolón) d'aprosimao 40 km². Los montes, principalmente de Casuarinaceae, cubren cerca de la metá de la isla. Un gran númberu de charranes (Sterna fuscata) reprodúcense ellí dende payares a marzu. Les tortúes añeren nes sableres de la isla.

Hestoria[editar | editar la fonte]

La isla lleva'l nome del navegante gallegu João da Nova, un almirante que al serviciu de la corona de Portugal llegó a la isla en 1501. Foi una posesión francesa dende 1897. Los depósitos de guanu (fosfatu) fueron esplotaos dende l'empiezu del sieglu XX hasta 1970. La isla foi abandonada mientres la Segunda Guerra Mundial y foi visitada por submarinos alemanes. Na isla hai delles instalaciones, incluyendo un hangar, tendíos de ferrocarril, cases y un muelle en ruines.

Juan de Nova, na ruta marítima ente'l sur d'África y l'estremu norte de Madagascar, vese afectada poles fuertes corrientes y convirtióse en llugar de numberosos naufraxos. Los más visibles son los restos del SS Tottenham que foi refundiáu escontra'l petón del sur en 1911.

Notas[editar | editar la fonte]

  1. [1] Google books

Referencies[editar | editar la fonte]

[2] Mapa de Juan de Nova.