Isabel Knaggs
Isabel Knaggs | |
|---|---|
| Vida | |
| Nacimientu | Durban, 2 d'agostu de 1893 |
| Muerte | Sydney, 29 de payares de 1980 (87 años) |
| Estudios | |
| Estudios |
Girton College Bedford College (es)  North London Collegiate School (en) |
| Oficiu | cristalógrafa |
 | |
Isabel Ellie Knaggs (2 d'agostu de 1893, Durban – 29 de payares de 1980, Sydney) foi una cristalógrafa y química que contribuyó al desenvolvimientu de la cristalografía de rayos X y les sos aplicaciones pa la determinación d'estructures de compuestos de carbonu.
Educación y carrera[editar | editar la fonte]
Isabell Knaggs nació en Durban, Sudáfrica en 1893. Asistió a la escuela en Londres, Reinu Xuníu. Ente 1913 y 1917,[1] Knaggs estudió Química con William Jackson Pope en Girton College, una escueles de la Universidá de Cambridge qu'almitía muyeres nesa dómina.[2] En graduándose, trabayó como asistente d'investigación nel Llaboratoriu Mineralóxicu de Cambridge y enseñó Xeoloxía en Bedford College.[1]
En 1921 empecipió un doctoráu na Escuela Imperial de Londres (Universidá de Londres). Darréu llogró una beca d'investigación y xunióse al grupu de William Henry Bragg, el cofundador de la nueva téunica de la cristalografía de rayos X na Royal Institution y en 1927 llogró una posición permanente nesta institución.[1] Trabayó tamién como consultora par la compañía farmacéutica Burroughs Wellcome, y, mientres la Segunda Guerra Mundial llevó a cabo investigaciones de delles estructures cristalines pa dellos departamentos del gobiernu británicu. Tres la so xubilación foi convidada como Profesora visitante a la Royal Institution ente 1963-1966 y 1974-1977. Finó en Sydney, a onde treslladárase pa vivir con unos parientes.[1]
Contribuciones científiques[editar | editar la fonte]
Knaggs determinó la estructura de numberosos compuestos, ente elles la del bencilo, en collaboración con Kathleen Lonsdale,[2] y la del triazina cianúrica, un potente esplosivu. Una de les sos contribuciones notables foi establecer que los átomos de carbón en compuestos con otros átomos adopten una xeometría de coordinación tetraédrica. Llegó a esta conclusión en delles estructures primero que se desenvolvieren les téuniques de síntesis de Fourier que dexen visualizar la densidá electrónica de les molécules estudiaes por difracción de rayos X.[2] L'aplicación de conceutos químicos, como la valencia y l'importancia de la configuración espacial foi otru de les sos apurras reconocíos a la cristalografía de rayos X.[3]
Knaggs publicó numberosos artículos mientres la so carrera y escribió, con Constance Elam y Berta Karlik Tables of cubic crystal structure of elements and compounds (A. Hilger, ltd., 1932).
Reconocencies[editar | editar la fonte]
En 1921 foi escoyida miembru de la Sociedá Xeolóxica de Londres.[4]
Referencies[editar | editar la fonte]
- ↑ 1,0 1,1 1,2 1,3 Rayner-Canham, Marelene F.; Rayner-Canham, Geoffrey (2008). Chemistry was Their Life: Pioneering British Women Chemists, 1880-1949. World Scientific, páx. 340-341. ISBN 9781860949869.
- ↑ 2,0 2,1 2,2 Kahr, Bart (2015). «Broader Impacts of Women in Crystallography». Crystal Growth and Design 15: páxs. 4715–4730. doi:.
- ↑ Lonsdale, Kathleen (1962). «Crystallography at the Royal Institution», Paul Ewald: 50 Years of X-ray Diffraction. Utrecht, The Netherlands: International Union for Crystallography, páx. 412.
- ↑ Burek, Cynthia (2009). «The first female Fellows and the status of women in the Geological Society of London». Geological Society London Special Publications 317: páxs. 373-407. doi:.
| Control d'autoridaes |
|
|---|
Datos: Q28748365
