Irene Cózar

De Wikipedia
Saltar a navegación Saltar a la gueta
Irene Cózar
Vida
Nacimientu

1974

(44/45 años)
Nacionalidá Bandera d'España España
Oficiu
Oficiu química
Cambiar los datos en Wikidata

Irene Cózar Castellanu ye una bioquímica española nacida en 1974. Estudió na Universidá de La Llaguna el doctoráu faciendo darréu una estancia postdoctoral na Universidá de Pittsburgh (Estaos Xuníos) onde estudió rexeneración y proliferación de les célules que producen insulina, como terapia para a diabetes. En 2009 tornó a España per mediu del programa Miguel Servet al Hospital Universitariu Puerta del Mar en Cádiz onde vivió trés años y mediu y onde desenvolvió una llinia d'investigación rellacionada col estudiu de la rexeneración y función de les célules que producen insulina. Dende xunu de 2012 trabaya como investigadora col programa Ramón y Cajal nel Institutu de Bioloxía y Xenética Molecular de la Universidá de Valladolid. Ella considera que la diabetes ye la pandemia de la era moderna y que cualquier afayu que pueda consiguise va ser positivu pa toos aquellos que tán afeutaos por esta patoloxía.

Coles sos pallabres el so suañu ye: "Fortalecer la nuesa llinia d'investigación y caltener les mios collaboraciones pa poder desarollar una carrera sólida. Amás d'ayudar a crecer a los mios trés fíos felices y plenos, compartiendo con ellos l'apasionante aventura de 'crecer'.

Carrera científica[editar | editar la fonte]

La so carrera científica basóse nuna llucha constante contra la diabetes melitus, na cual el principal oxetivu ye evitar la perda de les célules productores d'insulina (masa beta-pancreática).[1][2] Pa consiguir dichu oxetivu siguen tres línea d'actuación:

  1. Activación de la proliferación de la célula d'una manera controlada.
  2. Busca de molécules que estímulen la rexeneración de les célules beta-pancreátiques y protexer.
  3. Estudiu de proteínes implicaes na función de la célula beta-pancreática.

Reconocencies[editar | editar la fonte]

Nel añu 2012 recibió'l premiu L'Oréal-Unesco "Poles muyeres na ciencia" por realizar un proyeutu empobináu a llograr que les persones afeutaes de diabetes puedan vivir ensin necesidá d'alministrase insulina.[3]

Referencies[editar | editar la fonte]

  1. [1], Diabetes y Célula Beta-Pancreática; Universidá de Valladolid.
  2. [2], Pubmed: Artículos publicaos
  3. ciencia, Noticia revista Quo.


Irene Cózar