Interacción home-máquina

De Uiquipedia
Saltar a: navegación, buscar

La interacción home-máquina (n'inglés Human-computer interaction, o HCI) ye'l estudiu de cómu interactúen les persones (los usuarios) y los ordenadores. Ye una estaya de la informática, pero ta rellacioná con delles otres disciplines. Cinca'l so nome, hai que decir que "interacción home-máquina" ye ún de los tradicionales, pero empléguense otros como comunicación persona-máquina, interacción persona-ordenador, etc.

Lo que se estudia na interacción home-máquina ye cómu se pue algamar una meyor interacción ente l'usuariu d'una máquina (de cutio un ordenador) y esa máquina. Esto pue referise al hardware o al software. Lo que se quier ye desendolcar programas y ferramientes pensáes pa un usu más fácil por parte de les persones, de manera que trabayen más a gusto y con mayor productividá o saquen más partíu de la teunoloxía.

Pa algamar esi oxetivu hai que plantegase coses como qué información se pon na pantalla d'un ordenador y cómu aparez, qué tecles o botones tien que pulsar l'usuariu pa facer les sos xeres o cómu tien que manexar el ratón... Too esto pensando en coses como que seya más fácil de deprender l'usu del programa o dispositivu, o que seya más rápido de facer lo que se quier facer.

Enllaces esternos[editar | editar la fonte]

  • AIPO (n'español), la asociación española sobre la interacción persona-ordenador.
  • HCI-RG (n'inglés), un grupu de vistigación sobre IHM na Universidá d'Uviéu.
  • ACM SIGCHI (n'inglés), el grupu d'interés de la ACM sobre interacción home-máquina.