Holismu

De Wikipedia

L'Holismu (del griegu holos que significa too, entero, total) ye la idea de que toles propiedaes d'un sistema (biolóxicu, químicu, social, económicu, mental, llingüísticu, etc) nun pueden determinase o desplicase como una suma de los sos componentes. El sistema completo, poro, compórtase d'un mou distintu que la suma de les sos partes.

Puede definise como un tratamientu d'un tema qu'implica a tolos sos componentes, coles sos rellaciones obvies y invisibles. Normalmente úsase como una tercera vía o solución nueva a un problema. L'holismu enfatiza la importancia del too, que ye más grande que la suma de les partes y da importancia a la interdependencia d'estes.

Polo xeneral, trata de presentase darréu como un axoma pal plantegamientu nuevu que se propón resolver, y a vegaes nun ye esplicitáu como una hipótesis de trabayu. Ésti ye'l so principal problema de validación, en cuantes se trata d'enfrentar a un métodu científicu: falsación, reproducción y modelización.