Himeniu

L'himeniu ye la parte fértil del basidiocarpu de los basidiomicetos y de los ascocarpos de los ascomicetos, formada polos basidios o ascas dependiendo de la clase del fungu y, cuando esisten, polos filamentos maneros que los coneuten al basidiocarpu o al ascocarpu (estos filamentos denómense cistidios nos basidiomicetos). De cutiu los cistidios son importantes para la identificación microscópica.

La posición del himeniu tradicionalmente ye la primer carauterística usada para la clasificación ya identificación de los fungos. De siguío preséntense dellos exemplos de diversos tipos qu'esisten ente los basidiomicetos y ascomicetos macroscópicos.

Nos fungos del orde Agaricales l'himeniu atópase nes cares verticales de les llámines.
Nel orde Boletales atópase na masa esponxoso de los tubos qu'apunten escontra baxo.
En del orde Phallales desenvuélvese internamente y depués ye espuesta per aciu d'un xel de golor desagradable.
Nos del xéneru Lycoperdon ye interna.
Nos de la familia Pezizaceae, atópase na superficie cóncava de la taza.
Nos del xéneru Hydnum, crez nel llau esternu de los escayos con forma de dientes.

Galería

Llameles d'un exemplar d'Amanita muscaria
Suillus luteus, del orde Boletales con poros de mariellu fuerte
Lycoperdon pyriforme o peudellobu
Un exemplar de Phallus impudicus
La copa del fungu Sarcoscypha austriaca
Grandes poros angulares del Polyporus alveolaris, un políporu con poros hexagonales