Guerra total

De Wikipedia
Saltar a navegación Saltar a la gueta
Un póster estauxunidense diseñáu mientres la Segunda Guerra Mundial. Traducción: «La comida ye una arma. ¡Nun la esbardie! Merque con prudencia. Cocine con cuidu. Cóma-ylo tou».

La guerra total ye un términu del sieglu XX que describe a una guerra na que los países o les naciones movilicen y fuercen hasta'l llende tolos sos recursos disponibles, yá sían humanos, militares, industriales, agrícoles, naturales, teunolóxicos, científicos, o de cualesquier otru tipu, pa destruyir totalmente la capacidá d'otru país o nación de entablar una guerra. La práutica de la guerra total utilizóse mientres sieglos, pero nun foi hasta mediaos del sieglu XIX que se reconoció que la guerra total yera una forma distinta de faer la guerra.

Desenvolvimientu del conceutu de guerra total[editar | editar la fonte]

El conceutu de guerra total suelse atribuyir a Carl von Clausewitz, pero en realidá Clausewitz taba interesáu nel conceutu filosóficu rellacionáu de guerra absoluta, una guerra llibre de cualquier restricción política, daqué que Clausewitz consideraba imposible. Los dos términos, guerra absoluta y guerra total, suelen confundise. Christopher Bassford, profesor d'estratexa nel National War College, describe la diferencia asina: «Tamién ye importante tener en cuenta que'l conceutu de Clausewitz de guerra absoluta ye bastante distintu del posterior conceutu de "guerra total". La guerra total foi una prescripción de la forma de faer guerra tipificada poles idees del xeneral Erich Ludendorff, que tomó'l control del esfuerciu bélicu alemán mientres la Primer Guerra Mundial. Nesti sentíu, la guerra total suponía la completa subordinación de la política a la guerra—una idea que Clausewitz refugaba tajantemente—y l'asunción de que la victoria total o la derrota total yeren les úniques opciones. La guerra total nun implicaba la suspensión de los efeutos del tiempu y l'espaciu, como lo faía'l conceutu de guerra absoluta de Clausewitz».[1]

Goebbels convenció a Hitler de llegar a esos estremos. En 1943, nun discursu nel Palaciu de los Deportes de Berlín, dixo: «Pregúntovos: ¿Queréis una guerra total? Y si fuera necesariu, ¿queréis una guerra entá más total y radical que cualquier cosa que podamos imaxinar anguaño?».[2]

Ver tamién[editar | editar la fonte]

Referencies[editar | editar la fonte]

  1. Christopher Bassford Clausewitz y los sos trabayos
  2. Beck, Earl R (1986). «Stalingrad and All-Out Warfire», Under the Bombs: The German Home Front, 1942-1945 (n'en). Lexington: University Press of Kentucky, 39. ISBN 978-0-813-11567-2.



Guerra total