Guerra Anglo-Zanzibariana

De Wikipedia
Guerra Anglo-Zanzibariana
Llugar Zanzíbar
Resultáu Victoria del Reinu Xuníu
Belixerantes
Imperiu británicu Zanzíbar
Fuercies en combate
900 soldaos del exércitu regular de Zanzíbar; un destacamentu de los Reales Marines de númberu indetermináu; HMS Philomel; HMS Thrush; HMS Sparrow; HMS Racoon; HMS St George 2.800; HHS Glasgow
Baxes
Unos 100 Unos 500
[editar datos en Wikidata]

La Guerra Anglo-Zanzibariana foi una batalla protagonizada ente'l Reinu Xuníu y Zanzíbar el 27 d'agostu de 1896. Con una duración de 45 minutos, caltién la marca de la guerra más corta rexistrada na historia.

La guerra españó dempués de la muerte del sultán Hamad bin Thuwaini'l 25 d'agostu, que taba dispuestu a cooperar cola alministración colonial británica; el so primu Khalid bin Bargash apoderóse del poder per aciu d'un golpe d'estáu. Como quiera que los británicos favorecíen a otru candidatu, Hamud bin Muhammed, al que los británicos creyíen más averáu, ordenaron a Bargash abdicar. Bargash refugó la orde y formó un exércitu de 2.800 homes y el yate armáu del anterior sultán, el H.H.S. Glasgow, que taba en puertu. Mientres les tropes de Bargash taben fortificando'l palaciu, la Royal Navy xunió cinco naves de guerra en puertu énte'l palaciu (tres cruceros modernos, y dellos Reales Marines.

Pese a los enfotos d'últimu minutu del sultán por negociar la paz tres del representante d'Estaos Xuníos na islla, les naves de la Royal Navy abrieron fueu escontra'l palaciu na mañana del 27 d'agostu, dempués de qu'espirara l'ultimátum británicu a les 9 de la mañana. Col palaciu esbarrumbándose sobre él y con baxes abondes, el sultán tuvo que facer una retirada precipitada al consuláu alemán au-y foi concedíu asilu. Vivió nel exiliu en Dar es Salaam hasta que foi capturáu polos británicos en 1916 y treslladáu a Mombasa, au morrió en 1925. El bombardéu finó a los 45 minutos, en cuantes que'l Glasgow fundiera.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]