Gerardo Orviz

De Wikipedia
Saltar a navegación Saltar a la gueta
Gerardo Orviz
Vida
Nacimientu

Santa Bárbola1929

(89/90 años)
Nacionalidá Bandera d'España España
Oficiu
Oficiu cantante
Instrumentu musical voz
Cambiar los datos en Wikidata

Gerardo Orviz Iglesias (Santa Bárbara, Samartín del Rei Aurelio, 1929) ye un cantante asturianu de tonada.

Biografía[editar | editar la fonte]

Gerardo Orviz foi mineru de profesión y por motivos llaborales treslladaríase a Barcelona nel añu 1962, grabando nesa ciudá los sos primeros cantares. Na capital catalana viviría hasta l'añu 1988 nel que tornó a Asturies.

La primera vez que se presentó a un concursu de tonada foi nel añu 1948, en Sotrondio[1], nun certamen dedicáu a les canciones mineres, ganando'l primer premiu y darréu un segundu puestu n'otru concursu en Los Barredos, Llaviana[2]. En 1955 participó nel Concursu qu'entamaba'l diariu uvieín «Región». Nesti tiempu conocería a Silvino Antuña, maestru de la tonada que lu llevaría a ser un gran campeón de la canción asturiana. Darréu participaría en concursos como «Rumbo a la Gloria», (Radio Oviedo, 1958 y 1959), con sendos primeros premios, o «Desfile de Estrellas» (Sotrondio, hacia 1960) [3]

Na mocedá, Gerardo Orviz foi componente de delles de les orquestas qu'existieron nel Valle del Nalón, faciendo les veces de cantante y saxofonista: la orquesta «Villa» (1951-1954), orquesta «Laguna» (1954), orquesta «Hispania» y, por último, na «Imperial» de Sama.

En Barcelona grabaría'l so primer discu (1962) cola compañía Odeón, entamando a trabayar nuna empresa siderúrxica de laminador y a collaborar col Centru Asturianu de la ciudá condal, col que tamién collaboraba la so muyer, Mari Luz Blanco Estrada, como profesora de baile asturianu. Como componente d'esti Centru ganó'l primer premiu del concursu de TVE «Salto a la fama», asina como'l segundu, dientro del certamen «Canciones del mar», entamáu nel puertu de Barcelona. Regresaría a Sotrondio nel añu 1987, ya retiráu.

En 2016 Jesús Alonso González asoleyó una biografía del Gerardo Orviz, titulada Toda una vida... con la canción asturiana[4], qu'incluye un CD con 22 cantares, ente los que destaquen L'aire m'apagó la vela, Onde la neblina posa, Allerana, ...

Discografía[editar | editar la fonte]

  • 1962. «Canciones asturianes» Casa Regal: «Viva la xente minera», «De poles, Pola de Laviana», «Con quién rondabes a noche», «Carromateros», y «Payares non ye Payares».
  • 1965. «Gerardo Orviz canta a Asturias». Discu de cuatro canciones. Discophon. Barcelona.
  • 1969. Discu de cuatro canciones con Discophon: «Para castañes Tremañes», «A la salida del Sella», «Asturias, verde esmeralda» y «Cuando yo llindaba cabres».
  • 1975. «Canciones asturianes». L. P. Casa Regal. Barcelona: «El puente de fierrón», «Tengo de subir al puertu», «Arrea carreteru», «Soy de Langreo», «Cómo te va», «Soy de Pravia», «Non puedo subir al puertu», «Soy pastor», «Ye blanca», «Arrimadín a aquel roble», «L'aire me apagó la vela» y «El gaiteru».
  • 1976. «Aires norteños». Casete con la casa barcelonesa CECSA, a dúu xunto a Antonia Tena: «Dímelo morena», «Pastor», «Soy asturianín», «Soy asturianina», «Poema minero», «La fiesta del patrón», «Por bailar y no bailé», «Llamástime morenita», «Baxaba Barrial de Casu», «Puxa Asturias» y «El marinero».
  • 1978. «Cantos a mio Asturies». Casete de 12 canciones, con CECA (Barcelona): «Vaqueira», «Encantadora asturiana», «A les andeches», «Noble tierra norteña», «Por el caminín de Mieres», «En el pozu María Luisa», «Xuncí les vaques Ramona», «Qué triste quedó la aldea», «Yo voy a dir al molín», «Porque soy de la montaña», «El puente de Sotu del Barcu» y «A ver la prenda que amaba».
  • 1978. «El pozu María Luisa». Casete de 12 canciones, delles xunto a María Antonia Tena y Juan Díaz. Auvi. Barcelona: «Vaqueira», «Encantadora asturiana», «A les andeches», «Noble tierra norteña», «Por el caminín de Mieres», «En el pozu María Luisa», «Xuncí les vaques Ramona», «Qué triste quedó la aldea», «Yo voy a dir al molín», «Porque soy de la montaña», «El puente de Sotu del Barcu» y «A ver la prenda que amaba».
  • 1981. Casete con la Sociedad Fonográfica Asturiana, xjunto al Che de Cabaños, y Felipe Suárez: «Cada vez que voy a Llanes», «Carretera de Avilés», «Dame la mano, palomina mía», «No la llames», «Albores de la mañana», «Agora non», «Asturias ye la primera», «Porque sabes que te quiere», «En el camino de Mieres», «La molinera», «Mocina, dame un besín» y «San Juan y la Magdalena».
  • 1983. «Al son del agua». Casete de 12 canciones, col piano y los arranchos d'Herminia Fructuoso. Martana Music. Barcelona.
  • 1987. «Canto a la sidra». Casete de 10 canciones, en collaboración col Centruu Asturianu de Barcelona. Onomaster. Barcelona.
  • 1990. «Reflexiones de Xuacón». Casete. Grabaciones Pola. Asturias.
  • 2000. «El Ramplerín. (Nueves canciones de la mina). CD y casete con catorce canciones. Compañía Fonográfica Asturiana. Uviéu. Lletres d'Aladino Fuente, Alfonso Camín y Albino Suárez.
  • 2004. «La Caleya». «No me acusen si lo cuento». Grabaciones Pola. Uviéu (incluye una veintena de títulos).
  • 2012 «Tonaes y Canciones Nueves». Grabaciones Pola. Uviéu[5]. Doble CD con 28 cantares[6]
  • 2014 «La Toná y la Mina».

Notes[editar | editar la fonte]

  1. Gerardo Orviz: “Mi mayor logro fue sobrevivir en tiempos de escasez” Entrevista en La Nueva España, consultao'l 06.04.2015
  2. Diccionariu de La Tonada. Les Noticies. Uviéu, 1998
  3. Félix Martín Martínez : Gerardo Orviz en forma a los 80 años. Artículu asoleyáu en La Nueva España. Consultao’l 06.04.2014. Documentáu artículu del que se tomen otros datos pa iguar esta entrada
  4. Alonso: "Gerardo Orviz es una figura de referencia de la canción asturiana" La Nueva España, consultao'l 18.02.2016
  5. Albino Suárez Gerardo Oviz, nuevas tonadas. Blog d'Albino Suárez. Consultao'l 06.04.2015
  6. Ismael Mª González Arias[ http://ismael.org/noticias_show.php?id=521&pa=3 Volver a Gerardo Orviz]. Blog d'Ismael González Arias. Consultao'l 06.04.2015