Güeñu

De Wikipedia
Saltar a navegación Saltar a la gueta
Blue globe icon.svgGüeñu
Alministración
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuLa Ribera
ParroquiaFerreros
Tipu d'entidá llugar
Nome oficial Güeñu
Bueño
Xeografía
Altitú 120 m
Demografía
Población 130 hab. (2014)
Porcentaxe 16.09% de Ferreros
Más información
Estaya horaria UTC+01:00
Cambiar los datos en Wikidata

Güeñu —en castellán, Bueño, siendo dambes denominaciones oficiales— ye un llugar d'España, na parroquia asturiana de Ferreros (La Ribera). Nel añu 2012 recibió'l Premiu al Pueblu Exemplar d'Asturies otorgáu pola Fundación Príncipe d'Asturies.

Toponimia[editar | editar la fonte]

El topónimu oficial del llugar ye billingüe Güeñu/Bueño, n'asturianu y castellán, respectivamente.[1] Tantu Xosé Lluis García Arias na so obra Toponimina asturiana como'l nomenclátor de l'Academia de la Llingua Asturiana, recueyen tamién como topónimu n'asturianu Bueñu.[2] Según García Arias, la etimoloxía del topónimu podría ser llatina, como axetivación d'un antropónimu (BONIUS), anque nun refuga un orixe prerromanu a partir de les voces ONNO (corriente d'agua) o ONNA (ríu) pola so proximidá al ríu Nalón y la variante Güeñu.[3][4]

Xeografía[editar | editar la fonte]

Atópase asitiáu na vega del ríu Nalón, na so ribera derecha, a una altitú de 120 m y a 3 km de Sotu de Ribera, capital del conceyu.

Demografía[editar | editar la fonte]

Nel añu 2014, Güeñu tenía una población empadronada de 130 habitantes, en 87 viviendes familiares (Censu de Población y Viviendes 2001).

Evolución demográfica[editar | editar la fonte]

La evolución demográfica del padrón dende l'añu 2000 hasta l'añu 2014 ye la siguiente:

Evolución demográfica de Güeñu
200020012002200320042005200620072008200920102011201220132014
131133139135146139137137127126129130129130130
(Fonte: INE [Consultar])
Gráfica d'evolución de Güeñu ente 2000 y 2014

Pueblu exemplar d'Asturies[editar | editar la fonte]

Nel añu 2012, el pueblu foi gallardoniáu col Premiu al Pueblu Exemplar d'Asturies otorgáu pola Fundación Príncipe d'Asturies. Según l'acta del xuráu, el premiu foi concedíu por haber «sabíu sobreponer la so condición rural y la so cultura tradicional a la presión d'una redolada industrial y urbano gracies al esfuerciu compartíu, l'esfotu y l'iniciativa de tolos sos vecinos.»[5]

Patrimoniu cultural[editar | editar la fonte]

Según les normes subsidiarias d'urbanismu para'l conceyu aprobaes en 1997, forma parte del catálogu d'edificios y construcciones de protección integral, en Güeñu, la capiya de san Juan de Matu.[6] Y dientro del catálogu de protección de xacimientos arqueolóxicos una serie de cueves y covachas del Paleolíticu: la cueva de Bueño y les cueves d'El Mantellar, qu'inclúin la cueva de Bueño III o El Mantellar; la covacha del Ñeru o cueva El Gatu; y la covacha del Raitán. Darréu fueron incluyíes nel inventariu arqueolóxicu del conceyu.[7]

Capiya de San Juan de Matu
Capiya de San Juan de Matu, en Güeño.

Es de pequeño tamaño, planta rectangular y estilo popular.[8] Según la inscripción presente en su fachada principal, fue construida en el año 1725:

ESTA CAPILLA LA
IZO JVAN LOPEZ
DE bVEÑO DE SU
DEboZION≈≈≈
AÑO DE
1725

Horros[editar | editar la fonte]

Nel pueblu y na so redoma hai 47 horros y paneres, que se parten en 36 horreos y 10 paneres nel pueblu y unu más na área recreativa d'El Llosalín.[9] Esti númberu fai que sía una de les mayores concentración d'estes construcciones agraries del centru d'Asturies. Na redoma d'El Llosalín atópase'l Centru d'Interpretación del Horru, una instalación museística.

Otres construcciones[editar | editar la fonte]

Tamién destaca la Escuela de Neños Graciano Sela, incluyida nel Inventariu del Patrimoniu Cultural d'Asturies.[10] Ye un conxuntu formáu por un aula y una vivienda para'l maestru dientro del mesmu edificiu, de planta rectangular. Construyida en 1918, ye na actualidá la Casa de Cultura de Güeñu.

Referencies[editar | editar la fonte]

  1. Anexo I Determinación de los topónimos oficiales del concejo de Ribera de Arriba
  2. Academia de la Llingua Asturiana (2000) (n'asturiano). Nomes de conceyos, parroquies, pueblos y llugares del Principáu d’Asturies. Oviedo.  p. 171. ISBN 84-8168-194-6. http://www.academiadelallingua.com/wp-content/uploads/2014/10/Nomenclator.pdf. 
  3. [1]
  4. [2]
  5. Galardonados: Güeñu / Bueño (La Ribera / Ribera de Arriba) (2012)
  6. «[http://www.asturias.es/bopa/disposiciones/repositorio/LEGISLACION13/66/3/F46581D227F648BD86834CA9A505296D.pdf Acuerdo adoptado por el Pleno de la Comisión de Urbanismo y Ordenación del Territorio de Asturias (CUOTA), en su sesión de fecha 26 de febrero de 1997, relativo a la aprobación definitiva del texto refundido de las normas subsidiarias de Planeamiento de Ribera de Arriba. (Expte. CUOTA: 674/96)]». Boletín Oficial del Principado de Asturias (suplemento del número 215). 16 de septiembre de 1997. http://www.asturias.es/bopa/disposiciones/repositorio/LEGISLACION13/66/3/F46581D227F648BD86834CA9A505296D.pdf. 
  7. «Inventario arqueológico del Concejo de Ribera de Arriba». Excavaciones arqueológicas en Asturias 1999-02. 
  8. Zarracina, Matilde (1982). «Zona central: Concejos de Gozon, Carreño, Illas, Corvera, Llanera, Siero, Noreña, Ribera de Arriba y zona rural de Oviedo y Gijón». Liño: Revista anual de historia del arte (3):  p. 544. ISSN 0211-2574. 
  9. «Centro de Interpretación del Hórreo».
  10. Resolución de 16 de febrero de 2015, de la Consejería de Educación, Cultura y Deporte, por la que se incluye en el Inventario del Patrimonio Cultural de Asturias una selección de 120 escuelas de interés patrimonial existentes en Asturias.