Fundación Princesa d'Asturies

De Wikipedia
Saltar a navegación Saltar a la gueta

La Fundación Princesa d'Asturies (Fundación Príncipe d'Asturies hasta 2014) constituyese na ciudá d'Uviéu'l 24 de setiembre de 1980 nun actu presidíu pol entós príncipe Felipe de Borbón, que cuntaba naquel momentu con doce años.

Escudo Fundación Princesa de Asturias

[1] El 19 de xunu de 2014, cola proclamación de Felipe como rei d'España, la so fía Leonor asumió'l títulu de princesa d'Asturies como la so heredera. N'ochobre d'esi añu'l patronatu de la fundación aprobó un cambéu de denominación tantu de la institución como los premios homónimos que pasaríen a ser «Princesa d'Asturies».[2] Los cambeos fixeron efectivos tres la entrega de los premios de la edición de 2014.

Como organización ensin ánimu d'arriquecimientu, la fundación tien como oxetivos primordiales consolidar los venceyos esistentes ente'l Principáu y el Príncipe d'Asturies y contribuyir a la esaltación y promoción de cuantos valores científicos, culturales y humanísticos son patrimoniu universal. Con esti últimu fin creáronse, un añu dempués de la so fundación, en 1981, los Premios Princesa d'Asturies que s'apurren cada seronda nel Teatru Campoamor d'Uviéu. Estos premios concedense  n´ocho categoríes:

  • Artes
  • Ciencies Sociales
  • Comunicación y Humanidaes
  • Cooperación Internacional
  • Investigación Científica y Técnica
  • Lletres
  • Deportes
  • Concordia

La ceremonia d'entrega de los premios ta considerada como unu de los actos culturales más importantes de l'axenda internacional. A lo llargo de la so hestoria, estos galardones recibieron distintes reconocencies, como la declaración estraordinaria que la UNESCO realizó en 2004 pol so escepcional aportación al patrimoniu cultural de la Humanidá.

Estructura[editar | editar la fonte]

Patronatu de la Fundación[editar | editar la fonte]

El Patronatu ye l'órganu de gobiernu y representación. Aprueba y desenvuelve los presupuestos y les cuentes añales y afita los oxetivos de la Fundación. Ta formáu pola Presidenta d'Honor de la Fundación, S.A.R.  doña Leonor de Borbón, el Vicepresidente d'Honor, el presidente del Principáu d'Asturies, Javier Fernández Fernández, el Presidente de la Fundación, Matías Rodríguez Inciarte, 20 Vocales y un Secretariu Xeneral, Adolfo Menéndez Menéndez.

 Patronato Princesa d'Asturies[editar | editar la fonte]

Ye un órganu consultivo y honorífico al serviciu de la Fundación. Ta formáu pola Presidenta d'Honor, S.A.R.  doña Leonor de Borbón; el Vicepresidente d'Honor, el presidente del Principáu d'Asturies, Javier Fernández Fernández; 76 Vicepresidentes; 5 Miembros d'Honor, los anteriores presidentes del Principáu d'Asturies; el Secretariu Xeneral como Secretariu del Patronatu y un Vicesecretariu.

Miembros Protectores[editar | editar la fonte]

Son persones físiques o xurídiques que constribuyan a los oxetivos de la Fundación con aportaciones económiques o d'otra índole.

Presidente de la Fundación[editar | editar la fonte]

Anguaño y dende 2008 ye'l Presidente Matías Rodríguez Inciarte. Enantes  ser: Pedro Masaveu Peterson (1980-1987), Plácido Arango Arias (1987-1996) y Jose Ramón Álvarez Rendueles (1996-2008).

Direutora[editar | editar la fonte]

Anguaño nel cargu Teresa Sanjurjo González dende 2009.

Direutor Eméritu Vitaliciu[editar | editar la fonte]

Graciano García García, fundador de la Fundación y direutor de la mesma dende la so fundación hasta 2009.

Patronos Eméritos[editar | editar la fonte]

Los patronos que formando parte del Patronatu por siquier 10 años cesen de la so condición al cumplir los 75 años van poder ser nomaos patronos eméritos.

Referencies[editar | editar la fonte]

  1. https://es.wikipedia.org/wiki/Leonor_de_Borbón, Páxina web Princesa Leonor de Borbón
  2. «Cambio de denominación de la Fundación Príncipe de Asturias y de los Premios Príncipe de Asturias», Fundación Príncipe de Asturias (23 d'ochobre de 2014).


Enllaces esternos[editar | editar la fonte]