Fuercia de Misiles del Exércitu Popular de Lliberación

De Wikipedia
Saltar a navegación Saltar a la gueta
Fuercia de Misiles del Exércitu Popular de Lliberación
País Bandera de la República Popular China República Popular China

La Fuercia de Misiles del Exércitu Popular de Lliberación[1][2] (中国人民解放军火箭军 o PLARF poles sos sigles n'inglés) (d'antiguo Segundu Cuerpu d'Artillería, 第二炮兵部队 o SAC poles sos sigles n'inglés) ye la fuercia de misiles estratéxicos con base en tierra de la República Popular China. La PLARF ye la principal unidá del Exércitu Popular de Lliberación que controla los misiles estratéxicos nucleares y convencionales de China. Envalórase qu'l'arsenal nuclear chinu tien ente 100 y 400 cabeces atómiques.[3][4]

La Fuercia de Misiles ta compuesta por seis brigaes de misiles balísticos atendíes por 90.000-120.000 homes aprosimao. Éstes tópense independientemente esplegaes en distintes rexones militares. Ente los sos medios cúntense misiles balísticos intercontinentales con ojivas nucleares de los tipos DF-4, DF-5, DF-31 y, dende 2017, los DF-41 altamente avanzaos. Adicionalmente, dispon d'otros misiles balísticos con algame curtiu (DF-11, DF-15, etc.), mediu (DF-16, DF-21) y entemediu (DF-26), según misiles de cruceru del tipu CJ-10. Dalgunos d'estos misiles pueden tar forníos nel presente o nun futuru inmediatu con deslizadores hipersónicos del tipu DF-ZF.

El Segundu Cuerpu d'Artillería foi creáu'l 1 de xunetu de 1966 y fixo la so primer apaición publica'l 1 d'ochobre de 1984. El 1 de xineru de 2016 pasó a denominase Fuercia de Misiles del Exércitu Popular de Lliberación.[1][2] Los sos cuarteles xenerales tán alcontraos nel subdistrito de Quinhe (Beixín.) Dende 2017 el so comandante ye'l teniente xeneral Zhou Yaning.

Referencies[editar | editar la fonte]

Plantía:Loc [1]



Fuerza de Misiles del Ejército Popular de Liberación