Fuerte Jesús

De Wikipedia
Saltar a navegación Saltar a la gueta
Fuerte Jesús
Patrimoniu de la HumanidáUNESCO
Fort Jesus.jpg
Llugar Bandera de Kenya Kenia
Criterios Cultural: ii, v
Referencia 1295
Inscripción 2011 (XXXV Sesión)
Área África
Coordenaes 4°03′46″S 39°40′47″E / 4.0627361111111°S 39.679636111111°E / -4.0627361111111; 39.679636111111Coordenaes: 4°03′46″S 39°40′47″E / 4.0627361111111°S 39.679636111111°E / -4.0627361111111; 39.679636111111
Cambiar los datos en Wikidata

El Fuerte Jesús ye un fuerte portugués allugáu en Mombasa (Kenia), que foi construyíu en 1593 por orde del rei Felipe II d'España (I de Portugal), asitiáu na isla de Mombasa pa protexer l'antiguu puertu. Foi construyíu na forma d'un home (vistu dende l'aire), y dióse-y el nome de Jesús.

Historia[editar | editar la fonte]

Ente 1631 y 1875 el fuerte foi ganáu y perdíu en nueve causes poles naciones apostando'l control de Mombasa. Foi declaráu monumentu históricu en 1958. Anguaño alluga un muséu.

La fortaleza foi diseñada por un arquiteutu italianu, Giovanni Battista Cairatti, quien foi l'arquiteutu xefe de les posesiones portugueses n'Oriente. Foi'l primer fuerte d'estilu européu construyíu fora d'Europa, diseñáu p'aguantar el fueu de los cañones. Anguaño, ye unu de los meyores exemplos de l'arquiteutura militar portuguesa del sieglu XVI, qu'influyó tantu nos árabes de Omán como nos británicos.

La fortaleza convirtióse rápido nuna posesión vital pa cualquier potencia col enfotu de controlar la isla de Mombasa o la contorna. Cuando los británicos colonizaron Kenia'l fuerte utilizóse como prisión, hasta 1958, cuando se convirtió nun monumentu históricu. James Kirkman foi asignáu pa escavar el monumentu, lo que fixo (con un ampliu usu de los documentos históricos esternos) dende 1958 hasta 1971.

Fuerte Jesús ye agora un destín popular pa los turistes estranxeros y locales. Amás de como un destín turísticu, la fortaleza ye importante como sede de numberosos programes d'investigación. Tien un llaboratoriu de caltenimientu y alluga el Departamentu d'Educación y l'Oficina de Caltenimientu de la Ciudá Vieya.

En 2011, el fuerte foi incluyíu na llista del Patrimoniu de la Humanidá pola UNESCO.[1]

Referencies[editar | editar la fonte]

Enllaces esternos[editar | editar la fonte]




Fuerte Jesús