Francisco Javier Vallaure de Acha

De Wikipedia
Saltar a navegación Saltar a la gueta
Francisco Javier Vallaure de AchaPicto infobox character.png
Vida
Nacimientu

4  de xunetu de 1949

(71 años)
Nacionalidá Flag of Spain.svg España
Estudios
Estudios Universidá Complutense de Madrid
Llingües castellanu
Oficiu
Oficiu diplomáticu, políticu
Premios
Cambiar los datos en Wikidata

Javier Vallaure de Acha (4  de xunetu de 1949) ye un diplomáticu español d'orixe asturianu. Dende xunu de 2014, ye Cónsul Xeneral d'España nos Los Angeles (EEXX).

En 1974 llicencióse en Derechu pola Universidá Complutense de Madrid, y en 1979 ingresó na carrera diplomática. Foi Subdireutor Xeneral d'Asuntos Internacionales de Seguridá y Subdireutor Xeneral pal Sudeste Asiáticu, Filipines y Asuntos del Pacíficu nel Ministeriu d'Asuntos Esteriores d'España. Tuvo destináu nes embaxaes d'España en Irán, Portugal, Australia y Tunicia. Foi Cónsul Xeneral d'España en Porto Allegre (Brasil) y Miami (EEXX). En 2005 foi designáu Embaxador d'España n'Angola. De setiembre de 2008 a xineru de 2011 foi Introductor d'embaxadores nel Ministeriu d'Asuntos Esteriores y de Cooperación d'España. De 2011 a 2014 foi Embaxador d'España nos Países Baxos. [1] Como Cónsul Xeneral d'España en Miami adquirió notoriedá pola so participación, en representación del gobiernu d'España, na defensa de Joaquín José Martínez, el primer español y européu en salir d'un corredor de la muerte d'Estaos Xuníos en 2001.

Impartió cursos y conferencies sobre política esterior y protocolu en distintes universidaes españoles.

Distinciones[editar | editar la fonte]

En 2005 foi estremáu col premiu "Avilés Award" de la ciudá de San Agustín (Florida, EEXX).

En 2008 foi-y concedida la Sardina d'Oru[2] pola Fundación Sabugo ¡Tente firme![3] d'Avilés (Asturies).

En 2009 foi-y dada, pola Presidenta de la República Arxentina, la Dra. Dña. Cristina Fernández de Kirchner, la Gran Cruz de la Orde del Llibertador San Martín[4]

En 2010 llogró'l "I Premiu a les Rellaciones Internacionales" dau pel Centru de Desarrollu de Rellaciones internacionales de la Fundación de la Escuela de Negocios d'Asturies Business School[5] en collaboración col Conceyu de Xixón y el Institutu de Desarrollu Económicu d'Asturies.

En 2017 foi nomáu catedráticu honorariu de Política Esterior y Diplomacia pola Universidá Católica de Murcia.[6]

el 18 de mayu de 2018 foi xubíu a Embaxador d'España.[7]

Ta en posesión de distintes condecoraciones nacionales y estranxeres.

Referencies[editar | editar la fonte]

  1. ↑ El conteníu d'esti artículu incorpora material de la páxina oficial de la Presidencia del Gobiernu d'España, que dexa l'usu llibre de los sos conteníos
  2. ↑ llista de gallardoniaos cola "Sardina d'oru"
  3. ↑ Fundación Sabugo ¡Tente firme!
  4. ↑ Decretu Nacional N° 1716/09 de la Presidencia de la Nación. Fonte: SAIJ (Sistema Arxentín d'Información Xurídica).
  5. ↑ rellaciones internacionales Páxina web de la Fundación de la Escuela de Negocios d'Asturies
  6. ↑ Javier Vallaure, catedráticu honorariu de la Universidá Católica de Murcia, La Nueva España,13-6-2017
  7. ↑ [1]

Enllaces esternos[editar | editar la fonte]

Enllaces esternes[editar | editar la fonte]

Francisco Javier Vallaure de Acha
Sacáu de «https://ast.wikipedia.org/w/index.php?title=Francisco_Javier_Vallaure_de_Acha&oldid=3213531»