Fortaleza do Monte

De Wikipedia
Saltar a navegación Saltar a la gueta

Plantía:Chinese

La Fortaleza do Monte (Fortaleza del monte n'español), tamién llamáu Monte Forte (oficialmente Fortaleza de Nossa Senhora do Monte de São Paulo; en chinu: 大炮台), construyida polos xesuites ente 1617 a 1626, foi la principal estructura de defensa militar de la colonia portuguesa de Macáu (na República Popular China). Foi crucial nel refugu del intentu d'invasión holandesa cuando'l 24 de xunu de 1622 atacaron con 3 barcos y 1.300 homes:

"...Apertóse l'invasor holandés al desembarcu. Pero aquel portugueses, y unos cuantu españoles que tuvieron al pie de ellos, obraron maravíes aquel día. L'artillería, sirvida polos padres xesuites, frenó en secu la meyora holandesa. Y darréu el defensores, entá siendo bien inferiores en númberu, salieron de los sos defenses, invocando a la Virxe María y a Santiago Apóstol rompieron l'asediu y balanciáronse contra los atacantes, obligando a fuxir a los herexes que corrieron a abelugase nos sos barcos..."

Un cronista dexónos esti testimoniu.[1]

Foi construyida a lo cimero d'un monte allugáu nel centru de la península, lo que dexa ver por sobre la ciudá en toes direiciones. La fortaleza tien la forma d'un trapezoide irregular que cubre una área averada de 8 000 metros cuadraos. Se enconstraba fornida con cañones, barraques militares, pozos y un arsenal que contenía abondes municiones y suministros que dexaben soportar un asediu dos años de duración.

Los murios tienen 3,7 metros de grosez na so base, 9 metros d'altor estrechándose hasta 2,7 metros de grosez na parte cimera. Hai 32 cañones instalaos nos parapetos y los dos esquines de la paré sureste tienen torres de vixilancia. Nun hai armes qu'apunten escontra China continental, lo qu'indica que la fortaleza foi construyida pa defendese contra ataques marítimos.

En 1965 instalóse un observatoriu climáticu y la fortaleza foi desmilitarizada en 1976. En 1998 instalóse ellí'l Muséu de Macáu.

Forma parte del Patrimoniu de la Humanidá d'Unesco sol nome Centru históricu de Macáu.[2]

La fortaleza cumplió con delles funciones:

Referencies[editar | editar la fonte]

  1. Citáu por José Javier Esparda en La cruzada del océanu. La gran aventura de la conquista d'América (La Esfera de los Llibros, 2015), páxina 588.
  2. Historic Centre of Macáu. UNESCO World Heritage Centre

Enllaces esternos[editar | editar la fonte]

Coordenaes: 22°11′49.6″N 113°32′32.72″E / 22.197111°N 113.5424222°E / 22.197111; 113.5424222



Fortaleza do Monte