Flavia Ticiana

De Wikipedia
Saltar a navegación Saltar a la gueta
Flavia Ticiana
Flavia Titiana.jpg
Vida
Nacimientu [[ ]] de [[]]
Nacionalidá Antigua Roma
Familia
Padre Tito Flavio Sulpiciano
Casáu/ada con Pertinax
Oficiu
Cambiar los datos en Wikidata

Flavia Ticiana (en llatín: Flavia Titiana) foi una emperatriz romana, esposa del emperador Pertinax, que gobernó de volao nel añu 193.

Vida[editar | editar la fonte]

Flavia Ticiana yera la fía d'un senador, Tito Flavio Claudio Sulipiciano, cónsul «sufecto» en 170, procónsul d'Asia y Praefectus urbi Romae h. 200, y la so esposa Flavia Ticiana, y hermana de Tito Flavio Ticiano, nacíu escontra l'añu 165, tamién cónsul «sufecto» escontra l'añu 200 y casáu con Postumia Varia, nacida escontra 175, de quien tuvo descendencia. El so güelu maternu foi Tito Flavio Ticiano, nacíu escontra 95, quien yera prefeutu d'Exiptu ente 126 y 133 y créese qu'hubo un tercer fíu de Tito Flavio Clemente y la so esposa Flavia Domitila.

Casóse con Publio Helvio Pertinax, un ricu home fechu a sigo mesmu que tuviera una esitosa carrera civil y militar. Flavia Ticiana dio-y dos fíos, un neñu llamáu Publio Helvio Pertinax y una fía ensin identificar.

Pertinax foi proclamáu emperador tres la muerte de Cómod u'l 1 de xineru de 193. Ente que el nuevu princeps taba ufiertando l'habitual sacrificiu sobre'l monte Capitolino, el Senáu romanu otorgó a Flavia Ticiana el títulu honoríficu d'Augusta.

Tres l'asesinatu de Pertinax pola guardia pretoriana el 28 de marzu de 193 nin Flavia nin los sos fíos resultaron mancaos.

La Historia Augusta afirma que Flavia Ticiana «tuvo un asuntu amorosu de manera bastante pública con un home que cantaba cola llira» pero Pertinax nun taba esmolecíu.[1]

Referencies[editar | editar la fonte]

Enllaces esternos[editar | editar la fonte]


Predecesor:
Brutia Crispina
Emperatriz de Roma
193
Socesor:
Manlia Escantila
Flavia Ticiana