Fisioterapia

De Wikipedia


Fisioterapia
medicina física y rehabilitación (es) Traducir y disciplina académica
terapia (es) Traducir
Cambiar los datos en Wikidata

La pallabra Fisioterapia remanez de la xunión de los vierbos griegos: physis, que significa natura y therapeia, que quier dicir tratamientu.

Poro, dende un puntu de vista etimolóxicu, fisioterapia o physis-therapeia significa “Tratamientu pola Natura”, o tamién “Tratamientu per aciu d'Axentes Físicos”. La Organización Mundial de la Salú (OMS) define en 1958 a la Fisioterapia como: "L'arte y la ciencia del tratamientu por mediu del exerciciu terapéuticu, calor, fríu, lluz, agua, masaxe y lletricidá. Amás, la Fisioterapia inclúi la execución de prebes llétriques y manuales pa determinar el valir de l'afeutación y fuercia muscular, prebes pa determinar les capacidaes funcionales, l'amplitú del movimientu articular y midíes de la capacidá vital, asina como aídes diagnóstiques pal control de la evolución".

Pela so parte, la Confederación Mundial pola Fisioterapia (WCPT) en 1967 define a la Fisioterapia dende dos puntos de vista:

  • Dende l'aspeutu rellacional o esternu, como “ún de los pegoyos básicos de la terapéutica, de los que dispón la Medicina pa curar, prevenir y readaptar a los pacientes; estos pegoyos tán constituyíos pola Farmacoloxía, la Ciruxía, la Psicoterapia y la Fisioterapia”
  • Dende l'aspeutu sustancial o internu, como “Arte y Ciencia del Tratamientu Físicu, ye dicir, el conxuntu de téuniques que per aciu de l'aplicación d'axentes físios curen, previenen, recuperen y readapten a los pacientes sosceptibles de recibir tratamientu físicu”


Referencies[editar | editar la fonte]

Enllaces esternos[editar | editar la fonte]