Estudiu Méliès

Estudiu Méliès

L'estudiu de Georges Méliès ta consideráu'l primer estudiu cinematográficu del mundu, dempués del Black María, en Nueva Jersey, onde Edison filmó les sos primeres películes pa la so kinetoscopio.

Construcción

Méliès ordenó construyir esti estudiu nel xardín de la so finca, aprovechando un ivernaderu, en Montreal-sous-Bois, cerca de París, na primavera de 1897. L'estudiu amplióse darréu con un llaboratoriu onde trabayaben les mesmes actrices pintando a mano los negativos de les películes, so la direición de Madame Thuillier. En 1905 construyóse un estudiu B con una grúa que dexaba llevantar oxetos y persones, según una instalación llétrica.

El planteamientu de Méliès yera totalmente teatral, pero'l so usu yera decididamente cinematográficu. Hasta l'añu 1906, Méliès viose obligáu a utilizar la lluz solar por cuenta de les imperfecciones de les instalaciones llétriques. Les partes de cristal del ivernaderu dexaben l'usu d'esta lluz solar, pero había qu'evitar que'l sol proyeutara les solombres de la estructura sobre l'escenariu, pa lo que Méliès desenvolvió un sistema de pantalles de papel tresparente que podíen faese correr nel casu de ser necesariu, y tresformes asina la lluz direuto en lluz difuso por que nun formara solombres.

Decadencia

Según la mesma confesión de Méliès, trabayaba dende los siete de la mañana hasta los siete o ocho de la nueche, mientres venti años, sacrificando inclusive la so vida familiar. D'esti estudiu de Méliès salieron más de 500 cintes de gran calidá.

Como Méliès trabayaba como un artesanu nun podía competir colos productores qu'empezaben a faese grandes como Pathé. Finalmente tuvo qu'aceptar ayuda financiera poniendo'l so estudiu como garantía de pagu. Cola llegada de la Primer Guerra Mundial tuvo que vender l'estudiu por cuenta de les deldes económiques.

Referencies

• Datos: Q28969590