Estadiu (unidá)

De Uiquipedia
Saltar a: navegación, buscar

Un estadiu ye una unidá de llonxitú griega. Na antigüedá nun teníen una sola midida pal estadiu, sinón varies.

Por exemplu, l'estadiu qu'emplegó Eratóstenes pa midir la circunferencia polar de la Tierra, créyese que yera d'unos 158 metros (estadiu exipcianu); por embargu, la llonxitú del estadiu áticu ye de 177 metros, polo qu'esiste un pequeñu alderique sobro'l valor emplegáu y la esautitú del resultáu consiguíu por Eratóstenes.

En Roma centralizóse más o menos la midida del estadiu, na estaya Romana y de Nápoles, la midida yera de cerca los 123 metros, y na estaya del Norte yera d'unos 134 metros.

Dalgunos valores son:

  • Estadiu Alexandrín: 185,119 m,
  • Estadiu grande: 222,338 m,
  • Estadiu macedónicu: 210,140 m,
  • Estadiu náuticu: 166,679 m,
  • Estadiu inglés (Furlong): 201,168 m.

L'estadiu inglés utilízase entá na midición de distancies en carreres hípiques n'Inglaterra, Irlanda y Estaos Xuníos. Un furlong, correspuende a un octavu de milla.