Fårö

Fårö
Situación
País	Suecia
Provincies	Provincia de Gotland
Conceyu	Gotland
Tipu	islla
Asitiáu en	Mar Bálticu
Coordenaes	57°56′00″N 19°09′00″E / 57.9333°N 19.15°E
	Fårö Fårö (Suecia)
Datos
Superficie	114 km²
Población	498
Llonxitú	20,2 km

Fårö ye una islla de Suecia allugada nel mar Bálticu a dellos quilómetros al norte de la islla de Gotland, de la que depende alministrativamente. Fårö ye la segunda islla n'estensión de la provincia de Gotland. La so superficie ye de 111,35 km². Ellí vivió y morrió'l cineasta Ingmar Bergman.

Nome[editar | editar la fonte]

En gútnicu antiguu Faroyna, lliteralmente: islla alloñada. El so nome suel interpretase equivocadamente como «isla d'oveyes», una y bones «får» significa «oveya» en suecu modernu; sicasí, esti términu nunca s'utilizó históricamente en Gotland, onde'l términu llocal pa «oveya» ye «lamm».

Carauterístiques xenerales[editar | editar la fonte]

La islla ta xebrada de Gotland pol estrechu de Fårösund, magar que ta coneutada per una llinia gratuita de ferry cada trenta minutos.

Tanto en Fårö como na islla de Gotland esisten unes formaciones predroses denominaes raukar, esclusives d'estes islles, que son unos farallones de roca caliar formaos pola erosión natural demientres la era glaciar y pel mar. Dalgunes de les sos figures y formes son particularmente estrañes y suxerentes.

Cinematografía[editar | editar la fonte]

El cineasta Ingmar Bergman vivió na islla, onde tamién rodó delles de les sos películes, ente elles les de "la triloxía de Fårö": La hora del llobu, La vergüenza y La pasión d'Ana. La primer película que'l cineasta rodó na islla foi Detrás d'un vidriu escuru en 1961. Morrió ellí'l 30 de xunetu de 2007.

Zones de Fårö[editar | editar la fonte]

Fårö fyr[editar | editar la fonte]

El Fårö fyr ("Faru de la islla Fårö") ta allugáu al noroeste, tien un altor de 30 metros y foi construyíu ente 1846 y 1847.

Langhammars[editar | editar la fonte]

Na península de Langhammars ("Llugar del Martiellu llargu") al noroeste de Fårö allúgase la reserva natural Langhammars onde pueden atopase les famoses raukar, pilastres o farallones de dellos metros de roca esculpíos pola naturaleza.

Digerhuvud[editar | editar la fonte]

La reserva natural Digerhuvud ("Cabeza enorme") alluga'l paraxe de pesca de Helgumannen (Helgumannen fiskeläge). Nun ye apta para bañase o nadar por cuenta de la so fondura (más de 80 metros cerca de la mariña) y los sos fuertes corrientes, sicasí, ye una zona popular pa la pesca deportiva.

Sudersand[editar | editar la fonte]

La estensa y sabliega playa Sudersand al nordeste de Fårö ta al llau del Sudersands semesterby ("Villa de vacaciones de Sudersand") qu'ufierta agospiamientu a los turistes.