Apollo 11

Apolo 11
Insignia de la misión
Datos de la misión
Misión	Apolo 11
Nome de los módulos	Módulu de mandu: Columbia Módulu llunar: Eagle
Númberu de tripulantes	3
Masa	MC: 30.320 kg ML: 16.448 kg
Rampa de llanzamientu	Centru Espacial Kennedy, Florida LC 39A
Llanzamientu	16 de xunetu de 1969 13:32:00 UTC
Allunizaxe	20 de xunetu de 1969 20:17:40 UTC Mar de la Tranquilidá 0° 40' 26,69" N, 23° 28' 22,69" E
Tiempu d'actividá estravehicular	2 h 31 min 40 s
Tiempu na superficie de la Lluna	21 h 36 min 20 s
Cantidá de muestres	21,55 kg
Aterrizaxe	24 de xunetu de 1969 16:50:35 UTC 13°19′N 169°9′W
Duración de la misión	195 h 18 min 35 s
Datos de les órbites
Tiempu n'órbites llunares	59 h 30 min 25,79 s
Otres misiones Anterior misión Siguiente misión Apolo 10 Apolo 12
[editar datos en Wikidata]

Apollo XI ye'l nome col que se-y conoz a la misión espacial qu'unvió Estaos Xuníos al espaciu nel día 16 xunetu del añu 1969; foi la primera misión tripulada n'algamar a la superficie de la Lluna. L'Apolo XI foi impulsáu per un cohete Saturn V dende la plataforma LC 39A y llanzáu a les 10:32 hora llocal del complexu Cabu Kennedy en Florida, (Estaos Xuníos). Oficialmente conocióse a la misión comu AS-506.

La tripulación del Apolo 11 taba compuesta pol comandante de la misión Neil Armstrong, de 38 años; Edwin E. Aldrin, de 39 años y pilotu del LEM, apodáu Buzz; y Michael Collins, de 38 años y pilotu del Módulu de mandu y serviciu. El nome de les naves, privilexu del comandante, foron Eagle pa'l módulu llunar y Columbia pa'l módulu de mandu.

Cronoloxía del viaxe

• 00:00:00- despegue dende la plataforma del complexu 39 del polígonu de llanzamientu de cabu Cañaveral.
• 00:02:41- dixebra del tramu S1C y aniciáu por control remotu del tramu S2.
• 00:03:17- dixebra de la torre de salvamentu.
• 00:09:15- dixebra del tramu S2 y aniciu por control remotu del motor S4-B. 1ª decisión Go/No go
• 00:11:53- paru del motor del tramu S4B y puesta n'órbita d'espera.
• 02:44:14- entamu del vuelu propulsáu a la Lluna. Encendíu durante 307 s del motor del tramu S4B.
• 02:49:26- entamu del vuelu non propulsáu en direición a la Lluna.
• 03:14:46- dixebra del tramu S4B.
• 03:25:00- aniciu de la maniobra de estraición del L.E.M. del tramu S4B.
• 04:39:45- fin de la maniobra d'estraición del L.E.M.
• 26:50:26- correición de trayeutoria; funcionamientu durante 3 s del motor del S.M. del Apolo.
• 75:54:28- puesta n'órbita llunar elíptica. Encendíu durante 357 s del motor del S.M.
• 80:09:30- puesta n'órbita circumpolar. Encendíu durante 17 s del motor del S.M.
• 100:15:00- desacoplamientu del módulu llunar del complexu Apolo.
• 101:38:48- entamu del descensu a la Lluna. Encendíu durante 29 s del motor de axuste del L.E.M.
• 102:35:11- descensu hacia la Lluna. Entra en funcionamientu el motor del tramu de descensu del L.E.M.
• 102:47:03- alunizaxe nel Mar de la Tranquilidá a 0º42'50"N-23º42'28"E y entamu de les actividaes E.V.A.
• 124:23:21- despegue de la Lluna. Entra en funcionamientu el motor del módulu de ascensu del L.E.M.
• 124:30:44- aniciu de la orbitación circular del L.E.M.
• 128:00:00- maniobra d'ensamblaxe a 110 km ente'l módulu d'ascensu del L.E.M. y el complexu Apolo.
• 131:53:00- dixebra del L.E.M. del Apolo. Funcionamientu del motor del Apolo durante 71 s
• 135:24:34- entamu del vuelu a la Tierra. Funcionamientu durante 151 s del motor del S.M.
• 150:27:00- correición de la trayeutoria. Funcionamientu durante 10 s de los cohetes de maniobra.
• 195:03:27- algámase'l nivel de repenetración en 120 km de altitú.
• 195:03:45- interrupción de les radiocomunicaciones pol recalentamientu producíu pela fricción.
• 195:06:51- restablecimientu del contautu radiu.
• 195:11:39- apertura de los paracaíes d'estabilización.
• 195:12:17- apertura de los paracaíes principales.
• 195:19:06- amaraxe nel Océanu Pacíficu y recoyida de la tripulación por un portaaviones d'apoyu.
• 195:19:07- entamu de la cuarentena.
• 1155:19:07- fin de la cuarentena

• 
  1. El Saturn V despega
• 
  2. El Eagle allónxase del Columbia
• 
  3. Edwin E. Aldrin saluda la bandera
• 
  4. Rastru del pie del astronauta Buzz Aldrin.
• 
  5. La cápsula nel Pacíficu
• 
  6. Una guaḥa sostien una edición de The Washington Post, del 21 de xunetu de 1969

Placa conmemorativa

Placa conmemorativa.

Esta placa ta allugada nuna de les pates de la fase d'aterrizaxe del módulu llunar qu'entá se caltién ellí. Ta firmada pela tripulación del Apolo 11 (Neil Armstrong, Buzz Aldrin, Michael Collins) y pol entós presidente de los Estaos Xuníos (Richard Nixon).