Paralelu

Mapa de la Tierra
llonxitú (λ)
Les llinies de llonxitú apaecen curvaes y verticales n'esta proyeución, pero son en realidá medies circunferencies.
Llatitú (φ)
Les llinies de llatitú horizontales son círculos con diferentes radios.
L'Ecuador divide'l planeta en Hemisferiu Norte y Hemisferiu Sur y tien llatitú 0°.

Nómase paralelu al círculu formáu pola interseición de la esfera terrestre con un planu imaxinariu perpendicular al exe de rotación de la Tierra. Sobre los paralelos, y partiendo del meridianu que se toma como orixe, el Meridianu de Greenwich, mídise la llonxitú (arcu de circunferencia espresáu en graos sexagesimales), que pue ser Este u Oeste, en función del sen de la midida de la mesma. A desemeyanza de los meridianos, los paralelos nun son circunferencies másimes, (namái L'Ecuador), ya que nun contienen el centru de la Tierra.

L'ángulu formáu por un paralelu y la llinia ecuatorial nómase llatitú, que discrimina ente llatitú Norte y llatitú Sur, sigún l'hemisferiu. Xunto a los meridianos, formen el sistema de coordenaes xeográfiques basáu en llatitú y llonxitú.

Hai cincu paralelos que se correspuenden con una posición concreta de la Tierra na so órbita alrodiu del Sol, y que tienen un nome particular:

• Círculu Polar Árticu (llatitú 66.5° N)
• Trópicu de Cáncer (llatitú 23.5° N). Ye el paralelu más al Norte nel que'l Sol algama'l cénit. Esto ocurre nel solsticiu de xunu
• Ecuador (llatitú 0° N). Nel ecuador, el sol encuma nel cénit nel equinocciu de primavera y de seronda
• Trópicu de Capricorniu (llatitú 23.27° S). Ye el paralelu más al Sur nel que'l Sol algama'l cénit. Esto ocurre nel solsticiu d'avientu
• Círculu Polar Antárticu (llatitú 66.5° S)

El llapsu metantu el cual el Sol ye visible, pandea a lo llargo del añu y de la llatitú, algamando los sos valores estremos nes rexones polares.

Ver tamién

• Círculu polar árticu
• Trópicu de Cáncer
• Llinia ecuatorial o Ecuador
• Trópicu de Capricorniu
• Círculu polar antárticu
• Meridianu