Philippe de Villiers de l'Isle-Adam

Philippe de Villiers de L'Isle-Adam (1464 - Malta, 21 d'agostu de 1534) foi un miembru prominente de los Caballeros Hospitalarios en Rodes y más sero en Malta. Algamó la posición de Prior de la Llingua d'Auvernia foi escoyíu Gran Maestre de la Orde en 1521.

Taba al mandu la Orde nel llargu y sangrientu Asediu de Rodes por parte del Sultán Solimán el Magníficu en 1522, cuando 2000 caballeros de San Xuan y al rodiu de 4500 soldaos y caballeros griegos resistieron énte una fuerza de invasión d'aproximadamente 200.000 homes per seis meses, anque finalmente negociaron la capitulación y partida de los caballeros el día d'añu nuevu de 1523 hacia Creta.

Comandó entós la orde per dellos años ensin una base permanente: primeru Kandi en Creta, dempués socesivamente Messina, Viterbo y finalmente Niza de 1527 a 1529. En 1530 de L'Isle-Adam obtuvo la cesión de les islles de Malta y Gozo y la ciudá portuaria norteafricana de Trípoli como feudu pa la orde del emperador Carlos V y estableció nestes posesiones a la Orde, conocida dende entós como los Caballeros de Malta.

Villiers de L'Isle-Adam morrió en Malta'l 21 d'agostu de 1534.