Senabrés

Senabrés fai referencia a la comarca de Senabria, na provincia de Zamora; pero más concretamente a la variedá llinguística del Llïonés oucidental, que tamién recibe'l nome de pachuecu y que se fala nas comarcas zamoranas de Senabria y la Carbayeda. Anguañu, anque ta nun claru retrocesu caltiénse nas personas mayores de los pueblos más aislaos de la comarca, pero tou paez apuntare a una pronta desapaición.

Rasgos

Amás de los rasgos que comparte colas variedaes occidentales de llionés presenta, ente outros, los vinientes:

• Al igual que tolas falas meridionales del Dominiu llingüísticu astur, apaez una -e final nos infinitivos y dalgunos sustantivos: cantare y mullere.
• Regularización de los perfeutos de deillos verbos.
• Ô llatina devién -uo y non -ue: puorta/puerta.
• Caltenimientu de los diptongos crecientes y decrecientes -ou y -ei-, como en gallego (touro, moucho, feira, xañeiro)
• Presencia de los artículos definíos el/a/us/as frente a el/la/los/las
• Presencia de la x (xorda, xilgueiro)
• El grupu llatinu m'n camuda en m ( fame, home)
• Presencia del grupu -it ( muito, truita, faleito)

Modalidá de San Ciprián

Dientro d'esta variedá llingüística, hai que siñalar una outra la de San Ciprián, la súa diferencia radica en que ye la única modalidá occidental que poseye los plurales femenninos en -es y los tiempos verbales en -en; como n'asturianu central, si bien la súa pronuncia ye más averada a un /i/. Asina sería couses frente a cousas y es cases frente a las casas.

Estensu estudiu del Senabrés