Faru de Thridrangaviti
| Faru de Thridrangaviti | |
|---|---|
 | |
| Situación | |
| País insular |  Islandia |
| Rexones | Suðurland (es)  |
| Tipu | faru |
| Asitiáu en | Océanu Atlánticu Norte |
| Coordenaes | 63°29′20″N 20°30′47″W / 63.48883°N 20.51317°O |
  Faru de Thridrangaviti Faru de Thridrangaviti (Islandia) | |
| Datos | |
 | |
El faru de Þrídrangaviti (treslliteráu como Thridrangaviti) ye un faru allugáu a 7,2 km de la mariña suroeste d'Islandia, nel archipiélagu de Vestmannaeyjar (islles Vestam), de cutiu descritu como'l faru más aislláu del mundu.
Þrídrangar significa "tres pilastres de roca", refiriéndose a los trés roques llamaos nesi llugar: Stóridrangur (onde s'alcuentra'l faru), Þúfudur, y Klourfadur.[1][2][3] Foi construyíu ente 1938 y 1939.[1] Construyíu orixinalmente y accesible namái escalando la roca na que ta asitiada, ye accesible por helicópteru dende la construcción d'un helipuertu.
Carauterístiques téuniques[editar | editar la fonte]
- La lluz puede vese dende nueve milles náutiques.
- La llámpara ta asitiada 34 metros sobre'l nivel del mar
- L'edificiu en sí (un solu pisu con una cubierta y la llámpara nel so techu) tien 7,4 metros d'altor.
El faru foi construyíu baxu la dirección d'Árni G. Þórarinsson, que reclutó alpinistes esperimentaos pa escalar la roca na que s'atopa. Les sos ferramientes d'esguilada nun-yos dexaben montar clavixes a la roca cerca de la parte cimera, y nun había agarraderes cerca de la cume, polo que fixeron una pirámide humana (un home nes sos rodíes, un segundu sobre él, y un terceru xubía na segunda) pa algamalo.
Agora, gracies a les meyores na aviación, los trabayadores de caltenimientu pueden llevar un helicópteru a l'alloñada baliza. Sicasí, entá asina, visitar el faru de Þrídrangaviti ye un esfuerzu pergrande.
Tien un diminutu helipuertu construyíu sobre'l riscu, pero ye la única forma d'ascender al faru ensin facer una peligrosa esguilada. Ente l'helipuertu y el faru hai un peligrosu y pequeñu camín ensin nengún tipu de proteición. Cualquier tropiezu puede significar la cayida. El faru proyeuta un rellumu blancu llargu siguíu d'un rellumu blancu curtiu cada 30 segundos.[4]
Referencies[editar | editar la fonte]
- ↑ 1,0 1,1 explorer (Payares 29, 2020, (n'inglés)). «Þrídrangaviti lighthouse».
- ↑ «Iceland's Loneliest Lighthouse» (inglés). Atlas Obscura. Consultáu'l 2022-08-08, (n'inglés).
- ↑ «Incredible location for a lighthouse perched on a rock in Iceland's wild surf». Iceland Monitor. Consultáu'l 2022-08-08, (n'inglés).
- ↑ El increible faro de Thridrangar, (castellán)
Enllaces esternos[editar | editar la fonte]
Wikimedia Commons acueye conteníu multimedia sobre Faru de Thridrangaviti 
.- The Perfect Place To Survive Any Pandemic, (n'inglés)
| Control d'autoridaes |
|
|---|
Datos: Q28375893- Multimedia: Þrídrangaviti