Nina Pelozo

Nina Pelozo
Vida
Nacimientu	Bella Vista, 29 de mayu de 1961 (63 años)
Nacionalidá	Arxentina
Familia
Casada con	Raúl Castells
Estudios
Llingües falaes	castellanu
Oficiu	política, profesora

Saturnina Pelozo,^[1] conocida como Nina Pelozo (n. Bella Vista, provincia de Corrientes, 29 de mayu de 1961^[1]) ye una conocida piquetera y militante social arxentina. Ye pareya del dirixente piquetero Raúl Castells.

Nina Pelozo tuvo una infancia y vida probe, empezó a trabayar a los siete años nel campu, darréu, mientres l'adolescencia, trabayó nun frigoríficu y más tarde trabayó por enforma tiempu nuna industria plástica, yá residente en Buenos Aires.

Ente la década de los 90 y el 2001, al surdir el movimientu piquetero contra les polítiques de la presidencia de Carlos Saúl Menem y les de Fernando de la Rúa, al tar en pareya con unu de los sos mayores dirixentes, empezó a participar en marches y movilizaciones xunto a él.

En 1993, creó xunto a Castells el MIJD o Movimientu Independiente de Xubilaos y Sacupaos, qu'amás d'organización social llogró la reconocencia como partíu políticu. Asina, en 2005 Nina presentóse como candidata a senadora nacional pola provincia de Buenos Aires llogrando'l 0,28% de los votos válidos.

En 2007 fixo'l so debú televisivu, onde tamién debutó como baillarina, nel segmentu Bailando por un sueño del programa de Marcelo Tinelli, Showmatch. Nes gales recibió la visita del so maríu Raúl Castells y de 1500 activistes que fueron sofitala. En siendo sentenciada pol xuráu del concursu na octava selmana (col ritmu Lambada), perdió la votación contra Iliana Calabró y quedó fora del programa.

Foi candidata a vicepresidenta de la Nación pol MIJD, mientres les eleiciones presidenciales de 2007 n'Arxentina, siendo la so pareya Castells candidatu a presidente de la Nación. La fórmula Castells - Pelozo llogró'l 0,26% del total (48.786 votos).

En 2009 foi candidata a diputada nacional pola Alianza MST MIJD y en 2011 a diputada provincial na seición tercer de Buenos Aires, cuando'l MIJD integró'l Frente Compromisu Federal. Nes eleiciones del añu 2011 el MIJD llogró una banca de diputaos nacionales, con Ramona Pucheta a la cabeza.

En 2014 recibióse como Profesora de Bioloxía, oficiu qu'exerz na zona sur del gran Buenos Aires.^[2]

Referencies

Enllaces esternos

Organización social y política MIJD Archiváu 2018-09-27 en Wayback Machine.
Facebook del MIJD (enllaz rotu disponible n'Internet Archive; ver l'historial y la última versión)..

[globinfo-1] 1,0 ^1,1 Perfil de Nina Pelozo nel llistáu de candidatos a les eleiciones llexislatives de 2009 nel sitiu Globinfo.com.ar

[2] Nina Pelozo mientres una protesta nun colexu de Temperley

[1]

[2]