Escudu de Llaviana

De Wikipedia
Saltar a navegación Saltar a la gueta
Escudu de Llaviana
Coat of Arms of Laviana (Official).svg
Datos
Estáu España
Propietariu Llaviana
Cambiar los datos en Wikidata

El conceyu de Llaviana, nun tien llegalizáu'l so emblema conceyeru anque lu utiliza de cutio en tolos sos documentos.

Esti escudu foi inventáu por heraldistes, utilizando los escudos d'armes de la familia de Lleón, que tienen una grande semeyanza colos de Lñeón, l'Imperiu Alemán, Francia y Castiella, que decidieron ser copiaos pos podíen aludir a les cuatro cases de Lleón, Castiella, Austria, y Borbón que darréu rixeron el reinu d'España. Poniendo en mediu l'escudu d'Asturies y les armes de los fonduxes asturianos de los Quirós y Álvarez de les Asturies. L'escudu es curtiáu, pero'l primer cuartel ta cuartiáu.

  • Primer cuartel curtiáu y primeru cuartiáu, en planta lleón rampante coronáu n'oru.
  • Primer cuartel curtiáu y segundu cuartiáu, n'oru un aigla en sable.
  • Primer cuartel curtiáu y terceru cuartiáu, trés flores de lis n'oru.
  • Primer cuartel curtiáu y cuartu cuartiáu, castiellu d'oru almenáu.

Estos cuatro cuarteles son les armes de la familia Lleón. Nel centru del cuartiáu la Cruz de la Victoria d'oru.

Nel segundu curtiáu:

  • Segundu curtiáu primer partíu, dos llaves coles sos llunetes en gules y trés flores de lis, una en xefe y dos en punta. Estes son les armes del fonduxe asturianu de Quirós.
  • Segundu curtiáu y segundu partíu, xaquiáu de quince pieces d'oru. Estes son les armes del fonduxe d'Álvarez de les Asturies.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]