Escala de fieces de Bristol
La escala de fieces de Bristol o gráficu de fieces de Bristol ye una tabla visual d'usu en medicina, destinada a clasificar la forma de les heces humanes en siete grupos. Foi desenvuelta por Heaton y Lewis na Universidá de Bristol y publicóse per primer vegada nel Diariu escandinavu de gastroenteroloxía en 1997.[1] La forma de les fieces depende del tiempu que pasen nel colon.[2]
Tipos de fieces
[editar | editar la fonte]Los siete tipos de materia fecal son los siguientes:
| Tipu | Carauterístiques | Interpretación |
|---|---|---|
| 1 | Cachos duros separaos, como nueces o escrementos d'oveya, que pasen con dificultá. | Estriñimientu importante. |
| 2 | Como una salchicha compuesta de fragmentos. | Llixeru estriñimientu. |
| 3 | Con forma de morciella con resquiebros na superficie. | Normal. |
| 4 | Como una salchicha; o culiebra, llisa y blandia. | Normal. |
| 5 | Cachos de masa pastoso con cantos definíos, que son defecados fácilmente. | Falta de fibra. |
| 6 | Fragmentos blandos y esponxosos con cantos irregulares y consistencia pastosa. | Llixera foria. |
| 7 | Aguacienta, ensin cachos sólidos, totalmente líquida. | Foria importante. |
Interpretación de la escala
[editar | editar la fonte]Los tipos 1 y 2 indiquen estriñimientu; los 3 y 4 son fieces ideales, especialmente'l 4, yá que son los más fáciles de defecar; los tipos 5, 6 y 7 son fieces diarreicas (la 5 puede indicar una falta de consumu de fibra).[2]
Ver tamién
[editar | editar la fonte]Referencies
[editar | editar la fonte]- ↑ Lewis SJ, Heaton KW (1997). «Stool form scale as a useful guide to intestinal transit time» (n'inglés). Scandinavian Journal of Gastroenterology 32 (9): páxs. 920–4. PMID 9299672. https://archive.org/details/sim_scandinavian-journal-of-gastroenterology_1997-09_32_9/page/920.
- 1 2 The Continence Foundation of Australia. «Bristol Stool Chart» (inglés). Consultáu'l 1 d'avientu de 2009.
| Control d'autoridaes |
|
|---|
Datos: Q771438
Multimedia: Bristol Stool Chart