Eloy Calvo Capellín

De Wikipedia
Saltar a navegación Saltar a la gueta
Eloy Calvo Capellín
Vida
Nacimientu El Campu1924
Nacionalidá Bandera d'España España
Fallecimientu

Pamplona9  d'avientu de 2008

(83/84 años)
Oficiu
Oficiu empresariu
Cambiar los datos en Wikidata

Eloy Calvo Capellín (1924El Campu - 9  d'avientu de 2008Pamplona) foi'l primer presidente del Real Sporting de Xixón tres la so conversión en sociedá anónima deportiva. Enantes fuera miembru, ente 1986 y 1989, de la xunta directiva presidida por Ramón Muñoz Fernández.[1]

Biografía[editar | editar la fonte]

Nació nel conceyu de Casu en 1924. A los catorce años ingresó na entidá Banesto y pasó de ser botones a direutor de sucursal, llegando a xubilase nel bancu. N'abandonando Banesto, empecipió la so faceta d'empresariu, primero como fundador de Construcción San Bernardo y, más tarde, de Asprusa, xuntu con Eliseo Sotu. Mientres esos años foi vicepresidente de la Asociación de Promotores y Constructores d'Edificios Urbanos (ASPROCON), aportando más palantre a la presidencia del Sporting, el día 5 de setiembre de 1992. Foi escoyíu na primer xunta xeneral d'accionistes del Real Sporting de Xixón S. A. D., entidá de la que se convirtiera n'accionista mientres la conversión del club en sociedá anónima deportiva esi mesmu añu, al igual que la mayoría de miembros de Asprocon.[2] El primer conseyu d'alministración que presidió taba formáu amás por Manuel Calvo Pumpido, Manuel Cosío Meana, Florentino Fano Rodríguez, Ángel García Flórez, Luis Mitre Andrés, Pedro Morán Quirós, Alberto Menéndez Rúa, José Luis Fernández-Avello García, Luis Fernando Menéndez Fernández, Juan Montesa García Fernández, Alejandro Fernández-Nespral Baragaño, Cándidu Cueto Gutiérrez, Octavio Alonso Canal, Eliseo Soto Fernández y José Fernández Álvarez.[3]

Finó'l 9 d'avientu de 2008, a la edá d'ochenta y cuatro años, cuando lluchaba en Pamplona contra una enfermedá.

Vida privada[editar | editar la fonte]

Casáu con María Luisa Carvajal, una muyer de la qu'él dicía: Hai pocos homes que valoren tantu a la so muyer como yo a la mía,[4] yera un católicu confeso.

Referencies[editar | editar la fonte]

  1. El Comerciu (ed.): «Fina Eloy Calvo Capellín, primer presidente del Sporting S. A. D.» (9 d'avientu de 2008). Consultáu'l 12 de payares de 2012.
  2. Mundu Deportivu (ed.): «'Grupu Unificáu' controla'l conseyu d'alministración del Sporting» (6 de setiembre de 1992). Consultáu'l 12 de payares de 2012.
  3. La Nueva España (ed.): «25 años de la conversión del Sporting en sociedá anónima deportiva» (20 de xunu de 2017). Consultáu'l 19 d'agostu de 2018.
  4. La Nueva España (ed.): «Muerre Eloy Calvo Capellín» (10 d'avientu de 2008). Consultáu'l 12 de payares de 2012.
Eloy Calvo Capellín