El Termómetru

De Wikipedia
Saltar a navegación Saltar a la gueta
El Termómetru
edificiu
Edificio El Termómetro. Oviedo.jpg
Llocalización
PaísFlag of Spain.svg España
AutonomíaFlag of Asturias.svg Principáu d'Asturies
ConceyuUvieu flag.svg Uviéu
Parroquia Uviéu
Ciudá Uviéu
Coordenaes 43°21′42″N 5°50′52″O / 43.361759°N 5.84776°O / 43.361759; -5.84776Coordenaes: 43°21′42″N 5°50′52″O / 43.361759°N 5.84776°O / 43.361759; -5.84776
El Termómetru alcuéntrase n'Asturies
El Termómetru
El Termómetru
El Termómetru (Asturies)
Historia y usu
Construcción1936 - 1944
Arquiteutura
Arquiteutu/a Vidal Saiz Heres
Estilu Funcionalismo (es) Traducir
Pisos 9
Cambiar los datos en Wikidata

El Termómetru ye un edificiu asitiáu na céntrica Plaza de la Escandalera de la ciudá asturiana d'Uviéu (España), na esquina de les cais Fruela y San Francisco. Foi diseñáu y construyíu por Vidal Saiz Heres para la so familia ente 1936 y 1944.

Diseñu y estructura[editar | editar la fonte]

La parte más emblemática del edificiu de 9 plantes ye la esquina qu'enfoca al Campu de San Francisco, que tien una cristalera corrida y curva y da-y l'apariencia d'un termómetru, nome pol que ye popularmente conocíu. Destaca tamién polos dos tonos de piedra de la fachada y una visera de mármol negru marquina enriba de la planta baxa. Primeramente tenía na so azotea un anunciu lluminosu similar al del Edificiu Carrión de Madrid. Tuvo influyencies de les corrientes racionalista y espresionista qu'entamaren n'España, y recibió munches crítiques pola so modernidá nesi momentu.[1]

Historia[editar | editar la fonte]

Diseñáu primeramente en 1936, la Guerra Civil Española retrasó la execución de la obra y nun foi hasta 1944 cuando se remató. Col pasu de los años, distintes reformes esaniciaron la visera y dellos cristales camudáronse por otros planos. Por esti motivu, el 22 de setiembre de 2009 empecipióse la remocicación del edificiu pa devolve-y el so aspeutu orixinal, obra que remató en xineru de 2012. Xunto a ella atópase la casa del porteru, añadida por Vidal Saiz en 1949, que tamién se reformó ya integróse nel edificiu.[2]

Referencies[editar | editar la fonte]

  1. María Nicolasa Martínez del Río (2 de febreru de 2020). La Nueva España (ed.): «"El Termómetro", el edificio de la elegancia contenida» (castellán). Consultáu'l 28 de payares de 2020.
  2. Neira, Chus (18 de xineru de 2012). «Un "Termómetro" como los de antes». La Nueva España. https://www.lne.es/oviedo/2012/01/18/termometro/1185462.html. Consultáu 'l 8 d'agostu de 2018. 

Enllaces esternos[editar | editar la fonte]