Crowded House

Crowded House
Orixe	Australia
Xéneru(os)	rock alternativu y rock
Sellu discográficu	Capitol Records y ATO Records (es)
Miembros
Neil Finn, Nick Seymour, Mitchell Froom, Liam Finn, Peter Jones, Tim Finn y Paul Hester
Enllaces esternos
Sitiu web oficial	http://www.crowdedhouse.com/
Discogs	257793
Facebook	crowdedhouse
Twitter	crowdedhousehq y CrowdedHouseHQ
IMDb	nm2832972
[editar datos en Wikidata]

Crowded House ye una banda de rock alternativu australiana-neozelandesa, formada en Melbourne (Australia) en 1985.

Historia

El miembru fundamental ye'l guitarrista, cantante y compositor neozelandés Neil Finn (1958). Formó parte de los grupos más importantes del so país, Split Enz, los Finn Brothers y Crowded House. Estrémase polos sos enclinos a lo Beatles, combinando'l pop y el rock con una voz templada y melódica en Crowded House ye autor de la mayoría de los sos cantares.

Paul Hester na batería Paul Newell Hester (8 de xineru de 1959 – 26 de marzu de 2005) foi un músicu australianu batería de les bandes de rock Split Enz y Crowded House. Nacíu en Melbourne, la so madre yera batería de jazz. Nunca foi un bon estudiante. Seique por ello, la so madre animólu dende pequeñu a aprender a tocar la batería, disciplina na que demostró un talentu innatu. En probando con dellos trabayos, a empiezos de los 80 empecipió la so carrera musical. Una de les sos primeres bandes foi l'australiana Deckchairs Overboard, que llegó a tener cierta popularidá nes antípodes. A finales de 1983, llegó la gran oportunidá pa Hester. Una popular banda en Nueva Zelanda, Split Enz, precisaba un nuevu batería y Paul foi encamentáu pal puestu y finalmente escoyíu dempués d'ensayar delles vegaes col restu miembros del grupu. El llíder de Split Enz yera'l guitarrista, compositor y cantante Neil Finn, col que dos años más sero colaría pa fundar, xunto al baxista Nick Seymour, Crowded House. con Nick Seymour nel baxu. Adicionalmente, Mark Hart (guitarra y pianu, tamién miembru de Supertramp) collaboró en Together Alone y Recurring Dream (1992–1996) y Tim Finn (compositor y pianu, hermanu de Neil Finn) participó en Woodface (1990–1992).

En 2006 Neil Finn y Nick Seymour xuntáronse pa trabayar nun nuevu discu en solitariu de Neil Finn. Dada la gran química que se caltenía ente ellos decidieron volver xunise pa sacar un nuevu discu como Crowded House aprovechando los cantares nos que yá trabayaren. Mark Hart volvió con ellos a la guitarra y pianu, y pa ocupar el llugar del difuntu Paul Hester, contrataron a Matt Sherrod. Como resultáu d'esti trabayu surdió en 2007 l'álbum Time on Earth y una subsiguiente xira mundial.

Los sos cantares más conocíos inclúin "Don't Dream It's Over", "Something So Strong", "Better Be Home Soon", "Weather with You" y "Fall at Your Feet". "Weather with You" algamó'l númberu unu de 40 Principales, curiosamente en dos selmanes bien dixebraes nel tiempu, en setiembre de 1992 y marzu de 1997.

En 2018 Neil Finn incorporóse a la banda Fleetwood Mac.

Orixe

Enantes de formar Crowded House, Neil Finn y Paul Hester participaren dacuando na banda de rock Split Enz fundada por, ente otros, Tim Finn.

La banda que llueu foi Crowded House nació col nome de The Mullanes en 1985 incluyendo al guitarrista Craig Hooper, antiguu miembru de The Reels. Roblaron un contratu con Capitol Records y foron a Los Ánxeles, onde Hooper dexó'l grupu. Por pidimientu de la editorial, camudaron el nome a Crowded House refiriéndose al pequeñu llugar au vivíen mientres la grabación del álbum, na cai N. Sycamore St Nº 1902.

Discografía (álbumes)

• 1986: Crowded House
• 1988: Temple of Low Men
• 1991: Woodface
• 1993: Together Alone
• 1996: Recurring Dream: The Very Best of Crowded House
• 1999: Afterglow
• 2006: Farewell To The World
• 2007: Time On Earth
• 2010: Intriguer
• 2021: Dreamers Are Waiting

Ver tamién

• Liam Finn
• Neil Finn
• Split Enz

Enllaces esternos

• Crowded house record history: Lyrics and covers (n'inglés)
• Crowded House in Spanish - noticies n'español

• Datos: Q1128045
• Multimedia: Crowded House