Saltar al conteníu

Cristina Esmeralda López

De Wikipedia
Cristina Esmeralda López
Vida
Nacimientu Ozatlán (es) Traducir19 de setiembre de 1982[1] (41 años)
Nacionalidá Bandera d'El Salvador El Salvador
Estudios
Llingües falaes castellanu
Oficiu
Oficiu marchadora atlética
Cambiar los datos en Wikidata

Cristina Esmeralda López (19 de setiembre de 1982Ozatlán (es) Traducir) ex diputada de l'Asamblea Llexislativa de la República d'El Salvador y ex atleta especializada en marcha atlética.[2]Na so carrera deportiva ostenta una medaya d'oru en Xuegos Panamericanos,[3] siendo la primera y única pa El Salvador en tal competencia.

Orixe[editar | editar la fonte]

Cristina ye nacida nuna familia d'escasos recursos, y la so madre ye Élida López. Llogró rematar los sos estudios d'educación básica cola ayuda del programa EDÚCAME del Ministeriu d'Educación, que benefició-y polos sos llogros deportivos. A partir de 2007, estudia Llicenciatura en Nutrición.

Carrera deportiva[editar | editar la fonte]

En 1998, mientres estudiaba nel Centru Escolar Cantón Calle Real de Ciudad Delgado, incursionó nes carreres locales de 5 y 10 quilómetros, llogrando medayes de plata y oru. Dos años más tarde, sofitada pola so madre, ingresa al club Les Águiles del Institutu Nacional de los Deportes d'El Salvador (INDES) .

Por problemes económicos, en 2002 migró a Minnesota, Estaos Xuníos, en busca de trabayu; abandonando asina la so carrera deportiva de manera temporal. Tornó al El Salvador en 2003. En 2005 retornó a l'actividá deportiva, reincorporándose a la disciplina del profesor cubanu Rigoberto Medina.

Los sos constantes ésitos deportivos, espresaos en función de medayes y récores, dexáron-y convertise n'Embaxadora de los Oxetivos de Desarrollu del Mileniu por aciu el Conveniu COES-PNUD.[2] Per otru llau, dichos llogros lleváron-y a más competencies en representación d'El Salvador; siendo'l so mayor trunfo'l llográu en 2007 en Rio de Janeiro, nel que s'axudicó la medaya d'oru en 20 km. Allegó a dicha competencia recién recuperada d'una mancadura nel nerviu ciáticu y col agravante de la recién descubierta enfermedá de la so fía.[4]

Dempués d'atender asuntos familiares, López trató de clasificar a los Xuegos Panamericanos de 2011, pero'l so oxetivu viose atayáu pola mancadura.[5]En volviendo d'un retiru temporal, nel 2013 participó nel Campeonatu Centroamericanu de Marcha, nel que llogró'l primer llugar nos 10 km con rexistru de 55:48, nueva marca centroamericana.[6]

Esi mesmu añu foi designada la como abanderada de la delegación salvadoriana pa los X Xuegos Deportivos Centroamericanos de San José, Costa Rica,[7]y tamién ganó la medaya d'oru na prueba de los 20 km cola con rexistru de 1:48,17.[8][3]

En 2014 asistió a los XXII Xuegos Deportivos Centroamericanos y del Caribe, celebraos en Veracruz, ensin resultaos satisfactories na prueba de 20 km marcha. Al retornar al so país decidió da-y un xiru a la so vida llanzando la so candidatura como diputada pol departamentu de San Salvador pol Partíu de Concertación Nacional (PCN) pa les eleiciones llexislatives y municipales de 2015.[9]El día 13 de marzu, una fonte del PCN anunció que l'atleta ganara una curul nel parllamentu salvadoreñu, a falta del pronunciamientu oficial del Tribunal Supremu Eleutoral,[10]el cual dexó en firme los resultaos el día 9 d'abril polo que López s'aseguró un escañu.[11]

El cargu de diputada nun-y torgó participar nos Xuegos Panamericanos de 2015 de Toronto, yá que llograra la marca mínima pa la prueba de 20 km n'agostu de 2014 en Méxicu. Pa cumplir esi oxetivu nuevamente púnxose a les órdenes del entrenador cubanu Rigoberto Medina.[12][13]Antes del eventu, ganó la carrera de 10 km nel XXVI Campeonatu Centroamericanu Mayor d'Atletismu‬ de Managua, pero en Canadá llegó na 13ª posición na prueba de 20 km con rexistru de 1:47:33.[14]

Referencies[editar | editar la fonte]

  1. Afirmao en: World Athletics database. Identificador World Athletics: 180408. Apaez como: Cristina Lopez.
  2. 2,0 2,1 Comité Olímpicu d'El Salvador. «Comité Olímpicu d'El Salvador». Archiváu dende l'orixinal, el 19 de marzu de 2008. Consultáu'l 1 de febreru de 2008.
  3. 3,0 3,1 Error de cita: La etiqueta <ref> nun ye válida; nun se conseñó testu pa les referencies nomaes SanJosé2013
  4. Diariu CoLatino. . Archiváu dende l'orixinal, el 10 de xineru de 2008. Consultáu'l consultáu'l 1 de febreru de 2008..
  5. AM: pistes/ Marchista Cristina López anuncia retiru de les pistes
  6. La Prensa Gráfica: Cristina ganó con récor C. A.
  7. La Prensa Gráfica: Cristina López va ser l'abanderada nos Centroamericanos
  8. EDH Deportes: Cristina López se chapó n'oru
  9. La Páxina: Hilda Jiménez y Cristina López van ser candidates a diputaes pol PCN
  10. El Mundo: Atleta Cristina López electa diputada PCN
  11. El Diariu de Güei: TSE declara en firme los resultaos eleutorales
  12. EDH Deportes: Cristina López con boletu a Toronto 2015
  13. La Prensa Gráfica: Cristina suaña con Toronto
  14. El Gráficu: Cristina López, postrera en Toronto

Enllaces esternos[editar | editar la fonte]