Corinna May

Corinna May
Vida
Nacimientu	Bremen, 10 d'ochobre de 1970 (54 años)
Nacionalidá	Alemaña
Estudios
Llingües falaes	alemán
Oficiu	música, cantante
Participante Festival de la Canción de Eurovisión 2002 (es)
Xéneru artísticu	pop
Instrumentu musical	voz
IMDb	nm1185655
corinna-may.de

Corinna May (10 d'ochobre de 1970, Bremen) ye una cantante alemana ciega. De neña yá taba acostumada a la música; el so padre tenía una gran coleición d'álbumes de jazz. Llueu Corinna empezó cantando nun coru escolar y un coru de gospel.

Dempués de dellos concursos de talentu, Corinna May pudo llanzar el so primer álbum en 1997; foi un álbum de jazz, producíu por ella mesma. Dos años más tarde llanzó un álbum llamáu Wie ein Stern (Como una Estrella).

L'ésitu vieno en 1999 cola preselección alemana pal Festival del Cantar d'Eurovisión. Ganó, pero'l so cantar "Hör dean Kindern einfach zu" (Namái escuchen a los neños) foi descalificada yá que yá fuera publicada nel álbum de daquién más. El so segundu intentu foi nel 2000 col cantar "I Believe in God", pero namái algamó'l segundu llugar.

La tercer vegada foi nel 2002. Col cantar "I Can't Live Without Music" representó a Alemaña nel Festival del Cantar d'Eurovisión 2002. Nun foi bien esitosa, algamando namái'l 21º llugar a pesar de tar ente les grandes favorites.

En marzu del 2006, fixo una apaición especial na preselección alemana d'esi añu, cantando "I Can't Live Without Music" nun popurrí de cantares del Eurovisión alemanes. Tamién acompañó al comediante Hape Kerkeling nuna interpretación del cantar italianu "Insieme" (ganadora d'Eurovisión).

N'ochobre del 2006, l'álbum "Jetzt wie noch wie" foi llanzáu. Perdió'l so contratu por cuenta de les probes ventes.

Enllaces esternos

• Sitio de Corinna May (n'alemán)

Predecesor: Michelle con "Wadde hadde dudde da?"

Alemaña nel Festival d'Eurovisión 2002

Socesor: Lou con "Let's Get Happy"

• Datos: Q63046