Conchi Ríos

De Wikipedia
Conchi Ríos
Vida
Nacimientu Murcia, 11 de marzu de 1991 (33 años)
Nacionalidá España
Estudios
Llingües falaes castellanu
Oficiu torera
Premios
Cambiar los datos en Wikidata

Conchi Reyes Ríos (11 de marzu de 1991, Murcia), más conocida como Conchi Ríos, ye una torera española.

Biografía[editar | editar la fonte]

Ríos nació en Murcia en 1991, nel senu d'una familia na que naide se dedicaba al mundu del toru.[1] Los sos güelos conocieron el so entusiasmu polos toros cuando tenía 15 años, mientres un eventu en La Condomina; el so güelu llevó-y a unes fiestes a que viera un magüetu de cerca pero, lloñe d'asustase, avorose a él con un capote y dende entós deseyó ser torera.[2]

Apuntóse a la escuela de tauromaquia de Murcia, onde toreó vaques, y darréu la so preparación llevola a Cádiz, Granada, Sevilla, Albacete y Madrid. Fixo'l so debú en públicu'l 23 de setiembre de 2007.[1] Debutó con picadores en Granada'l 8 de xunu de 2009, nun cartelu que compartía con Luis Miguel Casares y "El Nico", con novillos de Lagunajanda. Presentóse en Las Ventas (Madrid) el 10 de xunetu de 2011, nun eventu nel que compartió cartelu con López Simón y Jiménez Fortes, con novillos de José Cruz; esi mesmu día convirtióse na primer muyer en cortar dos oreyas d'un mesmu toru.[1]

Dempués d'aquello pasó cuasi tres años ensin torear. Aprovechó pa retomar los estudios y llograr l'accesu a la universidá. Depués foise a Perú, onde les condiciones yeren peores, ensin apenes seguridá.[2] Tornó a España, onde siguió colos sos estudios.

Conchi Ríos en 2016 en Cehegín

En 2015, según los datos del Ministeriu d'Educación, Cultura y Deporte, yera una de los cinco toreras españoles nuna llista de 825.[2] Tomó l'alternativa'l 9 de xunu de 2016 en Cehegín (Murcia), compartiendo cartelu con El Cordobés y Antonio Puerta, con toros de Guadalmena.[3][1]

Esi mesmu añu foi escoyida pola BBC como una de les 100 muyeres más influyentes de 2016, siendo la única española ente les 20 europees escoyíes; d'ella destacaron ser una de los cuatro muyeres toreres frente a una llista de 820 homes, y la frase "Creo na igualdá de muyeres y homes.[4][5] Tol mundu tien que lluchar polo que ye y polo que quier faer na vida".[6]

Referencies[editar | editar la fonte]

  1. ↑ 1,0 1,1 1,2 1,3 Tauroweb.es. «Conchi Ríos». Consultáu'l 27 de payares de 2016.
  2. ↑ 2,0 2,1 2,2 Nadales, Javier (23 de payares de 2016). La última torera de España. https://www.elmundo.es/papel/historias/2016/11/22/5832ed4c468aebeb278b45b0.html. Consultáu'l 27 de payares de 2016. 
  3. ↑ Conchi Ríos: «Quiero hacer historia en el toreo como mujer por aquellas que no consiguieron llegar a la meta». 5 de xunu de 2016. http://www.laopiniondemurcia.es/sociedad/2016/06/04/conchi-rios-quiero-historia-toreo/742898.html. Consultáu'l 27 de payares de 2016. 
  4. ↑ (n'inglés) BBC 100 Women 2016: Who is on the list?. 21 de payares de 2016. http://www.bbc.com/news/world-38012048. Consultáu'l 27 de payares de 2016. 
  5. ↑ Llanos Martínez, Héctor (24 de payares de 2016). La torera murciana Conchi Ríos, única española en la lista de mujeres influyentes de la BBC. http://verne.elpais.com/verne/2016/11/24/articulo/1479984313_188540.html. Consultáu'l 27 de payares de 2016. 
  6. ↑ La torera Conchi Ríos incluida en la lista de la BBC de las 100 mujeres más influyentes del mundo. 23 de payares de 2016. https://www.elmundo.es/cultura/2016/11/23/5835e224268e3e29398b45df.html?cid=MNOT23801&s_kw=la_torera_conchi_rios_incluida_en_la_lista_de_la_bbc_de_las_100_mujeres_mas_influyentes_del_mundo. Consultáu'l 27 de payares de 2016. 

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Conchi_Ríos&oldid=3990218»