Comunidá de Cristu

De Uiquipedia
Saltar a: navegación, buscar
Templu de Independence.

La Comunidá de Cristu, antes conocida como la Ilesia Reorganizada de Xesucristo de los Santos de los Últimos Díes o RLDS. Con see en Independence, Missouri, la fe comparte los sos anicios con La Ilesia de Xesucristo de los Santos de los Últimos Díes (la ilesia Mormona).La hestoria de les dos más grandes denominaciones empieza a dixebrase cola muerte del fundador, Joseph Smith el 27 de xunu de 1844 en Carthage, Illinois. Los historiadores dacuando refiérense a la caña del Mediu Oeste del movimientu como los Santos de la Pradería o Xosefites y a los del Oeste (Utah) como los Santos de los Montes Predresos o Brighamites...La Comunidá de Cristu tien güei aprosimao 250.000 miembros en 50 países. La ilesia tien dos templos, el templu orixinal de Kirtland, en Ohio (un sitiu hestóricu, parte del so ministeriu educativu), y el relativamente nuevu Templu de Independence, Misurí, que sirve de see mundial de la Ilesia. La Ilesia opera la Universidá Graceland, con predivos educativos en Lamoni (estáu de Iowa) y en Independence (estáu de Misuri). La Ilesia amás tien y opera sitios hestóricos no que foi l'Alloñáu Oeste en Misuri), Lamoni (estáu de Iowa) y en Planu, y Nauvoo (en Illinois).La Comunidá de Cristu ta dirixida por una Primer Presidencia, que consiste d'un Profeta-Presidente y dos conseyeros. El ministeriu de la ilesia ye supervisáu pol Concilio de los Dolce Apóstoles y coordináu al traviés del mundu polos Quorums de Setentes y les necesidaes temporales de la ilesia son alministraes pol Obispáu Presidente. Axuntaos, estos quorums conócense como'l Concilio Conxuntu. Cada dos años, delegaos de too el mundu axúntense pa votar sobro los asuntos de la ilesia na Conferencia Mundial. Mientres les últimes décaes la Ilesia progresó na so misión, dedicándose a promover la tolerancia y proclamándose como una ilesia de Paz y Xusticia. Dellos cambeos inclúin la ordenación de muyeres al sacerdociu (al traviés d'una revelación recibida pol Presidente Wallace B. Smith en 1984) y el cambéu de nome publico de la ilesia.