Comines

De Wikipedia
Saltar a navegación Saltar a la gueta
Tipos de comines n'asturianu.

Les comines son un signu de puntuación doble que s'utiliza pa estremar por dalgún motivu una parte del discursu de la parte principal. N'asturianu utilícense trés tipos de comines: les baxes (« »), les altes (“ ”) y les simples (‘ ’)[1].

Usu[editar | editar la fonte]

Llingüísticos o lliterarios[editar | editar la fonte]

  • Nes citaciones direutes y al citar títulos d'artículos o obres.
  • Pa señalar trazos d'ironía o sentíu figuráu nuna espresión.
  • N'obres narratives puen utilizase les comines p'arrodiar pensamientos.

Informática[editar | editar la fonte]

El caráuter simplificáu ASCII " utilízase empareyáu en dellos llinguaxes de programación pa marcar cadenes de caráuteres. Amás, indiquen lliteralidá, por exemplu, nes busques n'internet, en contraposición a les busques pallabra por pallabra.

Concurrencia de comines[editar | editar la fonte]

Débese secuenciar l'usu de les comines d'un xeitu regular, y non al debalu: lo más encamentable ye utilizar nel periodu más llargu les comines baxes; dientro d'ésti les altes y, si aínda faen falta otres comines, les simples.

Ver tamién[editar | editar la fonte]

Referencies[editar | editar la fonte]

  1. Ramón d'Andrés (2021). Diccionariu de consultes llingüístiques del asturianu (n'asturianu). Uviéu: Ediciones Trabe.

Enllaces esternos[editar | editar la fonte]