Comines

Tipos de comines n'asturianu.

Les comines son un signu de puntuación doble que s'utiliza pa estremar por dalgún motiu una parte del discursu de la parte principal. N'asturianu utilícense trés tipos de comines: les franceses (« »), les ingleses (“ ”) y les simples (‘ ’).

Usu

Llingüísticos o lliterarios

• Nes citaciones direutes y al citar títulos d'artículos ou obres.
• Pa señalar trazos d'ironía o sentíu figuráu nuna espresión.
• N'obres narratives puen utilizase les comines p'arrodiar pensamientos.

Informática

El caráuter simplificáu ASCII " utilízase empareyáu en dellos llinguaxes de programación pa marcar cadenes de caráuteres. Amás, indiquen literalidá, por exemplu, nes busques n'internet, en contraposición a les busques pallabra por pallabra.

Concurrencia de comines

Débese secuenciar l'usu de les comines d'un xeitu regular, y non al debalu: lo más encamentable ye utilizar nel periodu más llargu les comines franceses; dientro d'ésti les ingleses y, si aínda fan falta otres comines, les simples.