Cernadiella

Coordenaes: 42°01′13″N 6°25′02″W / 42.0203°N 6.4173°O / 42.0203; -6.4173
De Wikipedia
(Redirixío dende Cernadilla)
17-03-2020 09:40
Cernadiella
Alministración
País España
Autonomía Castiella y Lleón
Provincia provincia de Zamora
Tipu d'entidá conceyu d'España
Alcalde de Cernadilla Herminio Aparicio del Barrio
Nome oficial Cernadilla (es)[1]
Códigu postal 49325
Xeografía
Coordenaes 42°01′13″N 6°25′02″W / 42.0203°N 6.4173°O / 42.0203; -6.4173
Cernadiella alcuéntrase n'España
Cernadiella
Cernadiella
Cernadiella (España)
Superficie 36.12 km²
Altitú 906 m[2]
Llenda con Manzanal de los Infantes, Mombuey, Manzanal de Arriba y Esturianos
Demografía
Población 113 hab. (2023)
- 60 homes (2019)

- 54 muyeres (2019)
Porcentaxe 0% de provincia de Zamora
0% de Castiella y Lleón
0% de España
Densidá 3,13 hab/km²
Cambiar los datos en Wikidata

Cernadiella[3] (n'español, Cernadilla) ye un conceyu y llocalidá española de la provincia de Zamora y de la comunidá autónoma de Castiella y Lleón.

Tien una superficie de 36,40 km² nos que viven 113 habitantes (2023)[4][5].

Xeografía[editar | editar la fonte]

Nel términu municipal se Cernadiella allúgense les llocalidaes de San Salvador de Palazuelo y Valdemeriella. D'antiguo tamién s'atopaba Anta de Tera, agora somorguiada sol banzáu de Valparaíso.

Ta asitiada nuna llanura na marxe izquierda del Tera y a una altitú de 908 metros, datos qu'inflúin nes sos carauterístiques climátiques y en consecuencia nes clases y posibilidaes de cultivos. L'allugamientu ye una terraza fluvial descompuesta al cabu de miles d'años. El so suelu xeolóxicu ta asitiáu ente'l ordovícicu cimeru y el silúricu a base de cayueles de color escuru con filoncillos de cuarzu ya intercalaciones cuarcíferes de dellos metros de potencia.

La so altitú y les carauterístiques de los suelos convirtiéronlo nun llugar aparente pal carbayu principalmente. El centenu y el trigu "seruendo", trigu tardíu, fueron xunto col llinu, les hortolices y les pataques los cultivos más destacaos y xuníu a la bayura de camperes dexó-y una bona cabaña ganadera de vacunu, lanar y cabrín principalmente.

Topónimu[editar | editar la fonte]

Cernadiella ye un topónimu afechu a les carauterístiques de los sos suelos, constituyendo una especie de definición sobre ellos. Procede del baxu llatín y yá el romance fixera la so apaición con Cernadal, llugar de tierres llixeres, abondoses n'humus que les faen fáciles de trabayar y que, daes les carauterístiques y bayura de la so vexetación, son fácilmente esplicables. El xentiliciu de los habitantes de Cernadiella ye farándulos. De fechu l'asociación cultural d'esta llocalidá llámase "Los Farándulos".[ensin referencies]

Historia[editar | editar la fonte]

Na Edá Media, Cernadiella quedó integrada nel Reinu de Lleón, que los sos monarques acometieron la repoblación del oeste zamoranu.[6]

Mientres la Edá Moderna, Cernadiella tuvo integráu na provincia de les Tierres del Conde de Benavente y dientro d'esta na xurisdicción de Sanabria.[7] La Venta de Cernadiella, propiedá de los condes de Benavente, constituyía por sigo sola'l so testimoniu de la xurisdicción del conde sobre'l llugar y los sos vasallos hasta bien entráu'l sieglu XIX.

Sía que non, al reestructurase les provincies y crease les actuales en 1833, Cernadiella pasó a formar parte de la provincia de Zamora, dientro de la Rexón Lleonesa,[8] quedando integráu en 1834 nel partíu xudicial de Puebla de Sanabria.[9] Nesta dómina, Pascual Madoz señala que nesti llugar funcionaben dos telares y dos molinos d'agua uno nel Tera permanente y otru d'iviernu nel regueru del pueblu.

En 1940 el conceyu de Cernadilla tomó la so estensión actual, al integrar nel so territoriuy al antiguu conceyu de Valdemeriella.[10]

Demografía[editar | editar la fonte]

Gráfica d'evolución demográfica de Cernadiella ente 1900 y
Fonte: Institutu Nacional d'Estadística d'España - Ellaboración gráfica por Wikipedia.

Llocalidaes[editar | editar la fonte]

El conceyu tien tres llocalidaes, cola siguiente población en 2016 según l'INE.[11]

Nucleu de población Población
Cernadiella 73
San Salvador de Palazuelo 48
Valdemeriella 7

Fiestes[editar | editar la fonte]

En Cernadiella son díes festivos el 2 de febreru, día de la patrona, la Virxe de les Candeles, y el 3 de febreru, día del patrón, San Blas. Nel mes d'agostu celebren les fiestes populares.

Ver tamién[editar | editar la fonte]

Referencies[editar | editar la fonte]

  1. Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
  2. URL de la referencia: https://www.aemet.es/es/eltiempo/prediccion/municipios/cernadilla-id49048.
  3. El llumbreiru páxina 4
  4. Afirmao en: Padrón municipal d'España de 2023. Autor: Institutu Nacional d'Estadística. Data d'espublización: 13 avientu 2023.
  5. oficina de rexistru
  6. Martín Viso, Iñaki (2000). Universidá de Salamanca: Poblamientu y estructures sociales nel norte de la Península Ibérica. Sieglos VI-XIII (en castellanu), páx. 349. «Mientres el periodu anterior (sieglos X-XI), l'occidente zamoranu integrárase nel reinu de Lleón. La escasez de noticies nel sieglu XI alimenta la hipótesis de que topamos ante un espaciu marxinal dientro de la formación lleonesa, al igual qu'asocede con otres de la periferia interior.»
  7. Salgado Fuentes, Carlos Javier (2016). Universidá de Salamanca: La evolución de la identidad regional en los territorios del antiguo Reino de León (Salamanca, Zamora y León) (en castellanu), páx. 149-150.
  8. «Real Decretu de 30 de payares de 1833 sobre la división civil de territoriu español na Península ya islles axacentes en 49 provincies» (castellanu). Gaceta de Madrid.
  9. INE: Provincia de Zamora. Entiende esta provincia los siguientes conceyos por partíos xudiciales
  10. Orde pola que s'aprueba l'anexón voluntaría del Conceyu y términu municipal de Valdemerilla al de Cernadilla, provincia de Zamora
  11. Institutu Nacional d'Estadística. «Nomenclátor: Población del Padrón Continuo por Unidad Poblacional». Consultáu'l 19 de marzu de 2017.

Enllaces esternos[editar | editar la fonte]