Tino Fernández
Tino Fernández | |
|---|---|
| Vida | |
| Nacimientu | Navia[1], 1962[1] |
| Nacionalidá |
 España |
| Muerte | Bogotá[1], 17 de xineru de 2020[1] (57/58 años) |
| Estudios | |
| Llingües falaes | castellanu |
| Oficiu | coreógrafu, actor de teatru, baillarín |
 | |
Celestino Fernández (1962, Navia – 17 de xineru de 2020, Bogotá), meyor conocíu artísticamente como Tino Fernández foi un coreógrafu, direutor musical y baillarín asturianu.
Biografía[editar | editar la fonte]
Ñaz en Navia en 1962. Treslladóse nos años 1980 a Madrid u estudiaría arte dramáticu. Entamaría trabayar como profesional na compañía teatru TRASGU pa dempués treslladase a París en 1983, onde estudiaría Danza Contemporánea y Danza Clásica trabayando en delles compañíes. En 1991 crea la so propia compañía de danza, L'Explose, cola qu'en 1996 s'asitiaría en Bogotá, Colombia, dempués de coñocer al executivu y escritor d'esi país, Fernando Fernández, y de trabayar cola compañía colombiana Mapa Teatro na obra Oresta ex machina.[2][3][4]
Sería nesti país nel que Tino Fernández desendolcaría la mayor parte la so carrera artística, algamando un llugar de prestixu como pilar de la escena cultural colombiana no tocante a la danza y el teatru. Delles de les sos obres traten les situaciones más sensibles de la sociedá colombiana, por exemplu La mirada del avestruz col desplazamientu forciáu o col Carnaval del Diablo nel que fala del conflictu armáu internu de Colombia, la masacre de Bojayá y los fusilamientos extraxudiciales del exércitu colombianu.[3][5][6]
En 2008 crea La Factoría, un llugar pa consolidar el so proyeutu escénicu y que funciona como sede de L'Explose. Anguaño ye ún de los centros de creación contemporánea más importantes de la capital colombiana.[3][5]
Muerte[editar | editar la fonte]
Tino Fernández finaría'l vienres 17 de xineru de 2020 na Clínica Reina Sofía de Bogotá nes primeres hores de la madrugada. Nes selmanes enantes de la so muerte foi internáu na clínica y finalmente finaría por cáncer linfáticu, según se dio a conocer llueu.[4][5]
Obres[editar | editar la fonte]
- Con los ojos cerrados (1991)
- El silencio de las palabras (1992)
- El secreto de Inés (1993)
- Contre-Cœur (1993)
- Oresta ex machina (1995)
- Sol a solas (1996)
- La irrupción de la nada (1997)
- La huella del camaleón (1998)
- Sé que volverás (2000)
- La mirada del avestruz (2002)
- El tiempo de un silencio (2005)
- Frenesí (2006)
- ¿Por quién lloran mis amores?
- Diario de una Crucifixión (2012)
- Crónica de una historia danzada (2013)
- Carmina Burana (2013)
- La razón de las Ofelias
- La miel es más dulce que la sangre
- El Carnaval del Diablo (2015)
Curtiumetrax[editar | editar la fonte]
- L'Attente (1995)
Premios[editar | editar la fonte]
- Premio Nacional de Danza (2006)
- Premio al mejor espectáculo - Feria Internacional de Teatru y Danza d'Uesca
Referencies[editar | editar la fonte]
- ↑ 1,0 1,1 1,2 1,3 URL de la referencia: https://www.elcomercio.es/asturias/occidente/conmocion-danza-colombiana-20200121002026-ntvo.html.
- ↑ L'Explose. «Tino Fernández» (castellán). Consultáu'l 11 de febreru de 2020.
- ↑ 3,0 3,1 3,2 Revista Arcadia (2020). “Me interesa el ser humano que está en el escenario”: el legado de Tino Fernández, fundador de L’Explose. Bogotá. https://www.revistaarcadia.com/teatro/articulo/me-interesa-el-ser-humano-que-esta-en-el-escenario-el-legado-de-tino-fernandez-fundador-de-lexplose/79963. Consultáu'l 11 de febreru de 2020.
- ↑ 4,0 4,1 (en castellán) Conmoción en la danza colombiana por la muerte del naviego Tino Fernández. 21 de xineru de 2020. https://www.elcomercio.es/asturias/occidente/conmocion-danza-colombiana-20200121002026-ntvo.html. Consultáu'l 11 de febreru de 2020.
- ↑ 5,0 5,1 5,2 Cultura (2020) (en castellán). Tino Fernández: el asturiano que puso su danza en Colombia. https://www.eltiempo.com/cultura/arte-y-teatro/tino-fernandez-el-asturiano-que-puso-su-danza-en-colombia-452988. Consultáu'l 11 de febreru de 2020.
- ↑ Quiceno, Laura (17 de xineru de 2020). «Homenaje “El cuerpo tiene un lenguaje que no te permite mentir”: Tino Fernández de L’Explose» (castellán). Consultáu'l 11 de febreru de 2020.
