Castillo de Salas

De Wikipedia
Saltar a navegación Saltar a la gueta
Castillo de Salas
buque
Información
Fabricante Astilleros y Talleres del Noroeste
País de rexistru Flag of Spain.svg España
Carauterístiques
Eslora 264,98 metros
Más información
Cambiar los datos en Wikidata

El Castillo de Salas foi un buque de la Empresa Nacional Elcano[1] fechu por Astano en Fene, A Coruña, en 1980. Yera un graneleru de 109.488 TPM con 261,43 metros d'eslora, 40 de manga y 20 de puntal.

El 11 de xineru de 1986, tando fondiáu na ciudá de Xixón l'ancla falló enxorrando'l barcu a la vera'l Cerru Santa Catalina bien averáu al barriu Cimavilla. Tolos intentos que se ficieren pa rescatalu nun sirvieron pa nada y el Castillo de Salas finalmente diose como irrecuperable xunto a les 100.000 tonelaes de carbón que tresportaba.

Col tiempu la proa reflotóse, depués llevóse mar adientro y ellí darréu la fundieron. La popa foi esguazada nel llugar onde enxorró. Aínda en 2003 esguazáronse los caberos restos que quedaben del barcu y que s'abandonaren na zona'l fundimientu hasta qu'entamaron a arramar galipote.

Tolos años, entá se recueyen 30 tonelaes de sable moyao amestao con carbón y galipote que llega a la sablera de San Llorienzu.

Cronoloxía[editar | editar la fonte]

La cronoloxía de los fechos asocedíos ye la siguiente:

  1. El 11 de xineru de 1986, el buque enxorra nel Cerru de Santa Catalina.
  2. El 15 de xineru, a les 10:30 h, el Castillo de Salas frañe en dos cachos colo qu'entamen los primeros arramaos de carbón y galipote.
  3. El 23 de febreru de 1986 la proa y 5 bodegues fúndense n'alta mar.

Referencies[editar | editar la fonte]

  1. Noticia en El Comercio

Enllaces esternos[editar | editar la fonte]

Coordenaes: 43°33′20″N 5°39′40″W / 43.55556°N 5.66111°O / 43.55556; -5.66111