Casa de Los Alberti

De Wikipedia
Saltar a navegación Saltar a la gueta
Casa de Los Alberti
Bien d'Interés Cultural
Ciaño (Langreo) - Casa de los Alberti 3.jpg
Llocalización
PaísBandera d'España España
AutonomíaFlag of Asturias.svg Principáu d'Asturies
Provinciaprovincia d'Asturies
ConceyuBandera Llangreu 2.svg Llangréu
Coordenaes 43°17′15″N 5°40′08″O / 43.2875°N 5.6688°O / 43.2875; -5.6688Coordenaes: 43°17′15″N 5°40′08″O / 43.2875°N 5.6688°O / 43.2875; -5.6688
Casa de Los Alberti is located in Asturies
Casa de Los Alberti
Casa de Los Alberti
Casa de Los Alberti (Asturies)
Arquiteutura
Estilu barrocu
Patrimoniu
BIC RI-51-0009054
Cambiar los datos en Wikidata

La casa de Los Alberti, tamién conocida como Casa de los García Bernardo o Casa d'enmedio, ye la más antigua casa solariega de les esistentes nel distritu de Ciañu, na ciudá asturiana de Llangréu (España). Anguaño alluga'l Centru de Referencia de la Llingua asturiana, una esposición permanente de la Fundación Nuberu, sala d'esposiciones, sala de conferencies, sala de prensa y biblioteca.

La casa[editar | editar la fonte]

Historia[editar | editar la fonte]

La casona pertenecía a la familia de Los Buelga, que teníen na redolada una casa entá mayor conocida pol apellíu de la familia. El nome actual provien de Jaime Alberti, un maestru fundidor italianu que llegó pa trabayar en La Felguera a finales del sieglu XIX y que casó cola propietaria de la casa, Eladia García Bernardo. Cola Guerra Civil, la familia Alberti treslladóse a Xixón y arrendó la casona como vivienda y comercios. Nel añu 2000 los propietarios dexaron la casa al Conceyu de Llangréu, tando destinada güei a espaciu cultural.

Arquiteutura[editar | editar la fonte]

Escudu d'armes na fachada

L'edificiu data probablemente del sieglu XVI, ye de planta rectangular con dos altures orixinales a les que se-yos añadió un áticu nel remocique del añu 2000, con fachada a dos calles y un llateral al actual parque de Ciañu, propiedá de la casa antes de que se cediera.

La fachada principal, que da al Norte, caltién nel centru un escudu coles armes de Los Buelga y los Sanfrechoso. Na planta baxa tien trés puertes; la central, de mayor tamañu que les llaterales y en llinia col escudu que sirve d'exa, na planta alta, a los cuatros balcones con dintel enmarcaos por sillares.

Na fachada Este, los vanos tán colocaos al debalu, y los balcones tapiáronse y quedaron amenorgaos a pequeñes ventanes.

La fachada Oeste sigue un esquema asemeyáu, y la fachada Sur da pasu a un patiu zarráu con muriu y puerta monumental. La cubierta actual ye a cuatro agües.

Centru cultural[editar | editar la fonte]

La casa de los Alberti alluga la Oficina de Turismu del conceyu de Llangréu, igual que la oficina de la Fundación Nuberu. Cuenta amás con una sala de prensa y una sala d'esposiciones móviles. Cuenta tamién con dos esposiciones permanentes, una sobre Nuberu y otru sobre paxellos asturianos, realizada pola Agrupación de Folclor Reija. La casa de los Alberti tamién agospia una biblioteca especializada en llingua asturiana y salón d'actos pa charres, conferencies, presentaciones, etc.

Referencies[editar | editar la fonte]

El conteníu d'esti artículu amiesta material de la declaración del Bien d'Interés Cultural publicáu nel BOPA Nº 51 el 3 de marzu de 1995 (testu), que s'alcuentra nel dominiu públicu arriendes a lo dimpuestu nel artículu 13 de la Llei de Propiedá Inteleutual española (en castellán).